المصافحه الاولى

قلبٍ تكالت همومه وش أبا اقله=ناره تواهج ولا ادري كيف اسويبه
اليا ضوى الليل يبني فالسماء فله=واليا اصبح الصبح كني لازمٍ جيبه
الصيد قال المثل كثره خمادله=والبيت قالوا مثبته مناسيبه
اما فطمناه عن درب الغثاء كله=والا شعمناه والحقنا مشاهيبه
ادل دربٍ عديم الراي ما دله=اقطع زراج الحماد اليا عوى ذيبه
خمسة عشر قربه واربع طعش خله= ما اباه لو كان راحوا له وجوني به
اقفا وخمسة عشر ناحر عللى حلّه=ضيفٍ علانا وحنا من معازيبه
با اشتري ضيفته واعطيه سلمٍ له=امجهزه ضيفته تلّه وتجريبه
سهيل حطّه خلافه في مسيرٍ له=والجدي قدام تمثاله يهلي به
ماني منطيه غارٍ باردٍ ظلّه= ولاني بقناص اعدي في مراقيبه
لو المدا كسرة الفنجال والدلّه=ما رحت اناحيه تشريقه وتعريبه
مره نشد الجديد ومر نمهله=هذاه حال الدهر مخطيه ومصيبه
من صدّ اخليه ما اقلط في محل له=منصاي شيخ القبيله في مناصيبه
آرد على العد واشرب والشكر لله=من لا ورد عد ما شربت شواريبه

أبو فيصل

الله الله عليك ي بوفيصل ابيات جزله
ورائعه راقت لي صح بوحگ وهلاوغلا بيك
منور رواسي ارحب واتمنى ان تستمع معانا
...تقبل مروري المتواضع لسموگ وب انتظار
جديدك.

الله عليك يالمبدع
ابيات جميله وقلم متميز
دام نبضك وعطاءك

ابو فيصل
صح لسانك مليون ولا يسدون
نص فخم وجزل جزل لابعد الحدود
وهذا ليس غريب على شاعرنا الابداع والجزاله
سجل اعجابي وتقديري
ولك ختم التميز
وخمس نجوم

ابيات كتبت بالنور
وجزلت بالجمال
صح السانك ولا هنت ايها الجزل .."

صح لسااانك يابو قيصل
على هالقصيده الأكثر من رااااائعه لاهنت
تقبل مروري وتحياتي

صح لسَــــــــــــــااانَك وبيض الله
وجهكَ ~

صح لسانك ي ابوفيصل
شاعر مبدع تحيااااتي لك