الجبين المستدير

السلام عليكم ... اليوم أنا جايب لكم قصة وأبيات ... في يوم وأنا ماشي في أحد المراكز التجارية ، إلا ّ بهاك الهنوف اللي تباريني ، لو سمحت إنته ( بن عمارالشاعر) قلت لا إيه أنا هوّا ؟؟؟ هههههههه من الربكه قمت أتكلم حجازي .! ومشت وأتركتني ..!! يا والله المصيبة هذي وش تبي ومن وين جت الله لايحييها ، نسيت وش جيت على شانه ، ونحرت السيارة وخذت القلم والدفتر وكتبت ، بعد ما زالت عني الغشاوة ، رجعت أجيب شغلي إلاّ والبنت مع ثلاثٍ جالسات ، نصيتهن قلت أنتي اللي من شوي تسأليني من أنا قالت الحقيقة نعم تراهنت معهن إنك الشاعر بن عمار ويقولون ماعندك سالفة ، قلت والله إن أروح أسأله ، وحنا نعرفك وتعرفنا بس مانبي نعلمّ بإسم أهلنا قلت الله لايحييكم أنتم وأهلكم ومشيت وأتركتهن يضحكن .... . الجبين المستدير . قالت إنته ولد بن عمّار، قلت إيه ، أنا هوّا يا بعد كل العذاراء ، اللي بهالدنيا ، اهتووا . ساري ٍ حبك ، بدمّي ، يا نسل ، آدم وحوّاء والمشاعر يالغلا ، ما قبلك إنسان ، احتووا . شوفي حالي من فراقك ياغناتي ويش سوّى وشوفي عيوني من آثارالسهر كيف استووا . آآآآه ، يا نار ٍ بصدري ، الحشاء منها يكوّى من لهبها ، ذاب قلبي ، والسراجيف انكووا . من جمال ٍ لو يشوفه ، القمر، ماعاد ضوّى والكواكب ، في مدارات المجرّة ، انضووا . ماذبحني غيرمنقوض ٍ على ردفك تطوّى وخصلتين ٍ من على ، ثنية حجاجك انطووا . والجبين ، المستدير، اللي كما برّاق ، نوّا لاكشح ، ضيّعت دربي ، والتفاكير انتووا . وخصرك اللي مثل عود الخيزرانة ايتلوّى كسّر، أرقاب ٍ تراعي لك ، بمشيك والتووا . كل ما حاولت في نفسي على بُعدك تقوّى ألقى قلبي ، والعواطف ، من فراقك ماقووا . مطلبي ..! يا نورعيني ، لا تواجهنا تروّى لأجل عيني والمشاعر من جمالك ما ارتووا رابط الحماية . محمد بن عمار تحيتي وتقديري

عبدالله الصقري معجب بهذا

صح الله لسانك يابن عمار
ابدعت وامتعت بهذه الرائعه الغير مستغربه من شاعرنا
دمت ودام مداد قلمك ورقي حرفك الفاخر
تقديري لسموك
النجلاء

هههههههههههههههههههههههه ابو عبد العزيز


صح لسانك يالجزل ولاهنت

الصراحه قصه وقصيده جميله جدا

دمت ودام تواجدك العذب

لاهنت

ابدعت كالعاده يابن عمار .. خالص تقديري

صح لسانك ملايين ابن عمار
استمتعت بتواجدي بمتصفحك الرائع
دمت بخير وسعاده دائمه

ابن عمار
تقف لك الحروف والاقلام احتراما وتقديرا
لجزلات شعرك ووصفك
رائع دائماً
واصل ودعني اتابع غزير الحرف

صح لسانك ملايين يالشاعر
قلمك مميز يجبرنا على حضوره ومتابعته بكل سرور
لروحك جنائن الورد والياسمين

سّلِمتِ يًدِآكْ عّلِى جميًلِ طرٍحكْ*
بإنتِظآرٍ جدِيًدِكْ بكْلِ شوَق
لِكْ منيً جزيًلِ آلِشكْرٍ وَآلِتِقدِيًرٍ
موَدِتِيً