المغروره

القاف يطرب وعندي تصدح اطيوره=عطنا بياله من البراد ياغبري
أتخيل إني بأرض(ن)تو ممطوره=الجو مغري ونسمات الهوا تغري
وصفيت جيش المعاني معلن الثوره=الراس يقدح ولمداده حضر شعري
يامحمد حسين قلبي حب مغروره=تقول فالزين مابه من وصل قدري
بشكي عليك الهوى والحب وشعوره=والجادل وحالي أللي فالهوا مبري
تدري علوم الهوى للناس مخبوره=خبيت حب الهنوف وأنكشف سري
وبعض السوالف عن العذال محظوره=وأللي مايدري ينام مع العرب بدري
كل ماسمعت الأماكن من ابونوره=تطري على خاطري وأقول ياقهري
فالقلب أتخيّله بالصوت والصوره=في وسط قلبي رماني حبها العذري
دبلت حبه وثريته وبالفوره=ثم بعت كل البشر وأحساسها أشري
هو مالك القلب واضع كل دستوره=وظيفته فالفؤاد الريس الفخري
حبي وحبه على ماقيل أسطوره=لكن تغير وأصبح وضعنا مزري
قفا وخلا زوايا القلب مهجوره=ودي أنا أنساه لكن ياعرب أزري
كلن يشوف المحبه حسب منظوره=الحب نزف المشاعر والغلا يجري
فالقلب لكن حظوظ القلب معثوره=حسبي عليها وحسبي كل ماتطري
الحب مثل البحر و الشوق بابوره=بس المواني بعيده وأنقضا صبري

تسلم يامنور

راح الزعل بعد هالمتغطرسه

حياك وحيا حرفك الي يطربني وصح لساانك وقلبك وكللك

تقديري

وصفيت جيش المعاني معلن الثـوره
الراس يقدح ولمداده حضر شعـري

ثورة شاعر نفتخر ونعتز فيه هو انت يامنور
سطرت الروعه بالوصف والحبك
صح كل كلك
ودام بوحك الشعري بكل خير ومعزه

ماعاش والله اللي يزعلك يامحمد

وصح بدنك

ولاهنت

شاعرنا الكبير

محمد القسامي

انا اللي افتخر بتواجدي مع شعراء كبار شرواك وشروا الموجودين معنا في رواسي


صح بدنك ولاهنت

صـــــــــــــــــــح لساااااااااااااااانك على هذه الرائعه


الله يعطيك العافيه على هذا الابداع

تقبل تحياتي

منور العوني

كلن يشوف المحبه حسب منظـوره

الحب نزف المشاعر والغلا يجـري

صح السانك

فعلاً كلن يرى مفهوم الحب من وجهة نظره

قصيده اسميها القصيده الناطقه

فعلا قصيده تعبر عن احساس وجمال المعنى

احيي قلمك الفذ وننتظر جديد ابداعك

تقبل مروري واعجابي بقصيدتك

ياهلا والله بالشعر الجزل وراعيه

صح لسانك وعلا شانك يامبدع

رائع رائع رائع

شاعر متمكن وقدير