رمح الكرامه (قصيده من غير نقط)

Quote=بدر ناصر المورقي;134259]

السلام عليكم اعضاء رواسي نجد المبدعين من العايدين والفايزين وعوْداً حميدا

لا احبذ العسر بالقصائد ولا اتخذه منهج ولكن لكل قاعده شواذ وهذه المتواضعه قصيده حروفها بدون نقط تقبلوها بصدر رحب الله لايهينكم

اللؤم مـا سـر اللئـام ولا عَمَـر=والحلم لا حدّك على العسـرا طعـه
اهل السماحه لا سطى هـم الصـدر=الحلـم هدّاهـم هـدوء الصومعـه
الحر ما همّـه ولـو مـال الدهـر=راس الهمم مركاه واحسامـه معـه
لو هو لمح حوله ردى سـاده كـدر=صد وسمى هـام المكـارم مطمعـه
لو الردى ساد وعلى احوالـه أَمَـر=حد الأسد رمح الكرامـه واصرعـه
وعدى على صدر السما وحدّر مطر=وكسى الصحارا اورود واكرمها سعه
على العهد لو عال همّـه والسهـر=روحه على حصد الكمـال امولّعـه
صامد صمود الطود لو طال العمـر=لو صكّه اعصـار الألـم مالوّعـه
كلامـه المـاس المكـرّم والـدرر=سحره على المسمع حلا ما أروعـه
ووَلْدَ الردى لا سوَّد اعوامه عسـر=وعلى الكمـد حـداه حـدّر مدمعـه
لا حوله الصمله ولا حولـه سطـر=ساسه مصدّع والصروح امصدّعـه
ما علموه اهل الصرامـه والطهـر=الأمّعـه مـا سلـسـل الا أمّـعـه
دوك العلوم الحامله مسْـك وعطـر=ولا مـرّك العلـم المعطّـر إسمعـه
لولا الكـرم مـا حـدّر الله المطـر=والعدل لا حدّك على العسـرا طعـه
لله در الحـر لـو مــال الـدهـر=ساس الأصل مركاه والصارم معـه

بدر ناصر المورقي

[/quote]

ماجد بن رتيق معجب بهذا