كلمــتــــــين وردها ...!!!

لاتــنادي بالخواطر لاتــنادي بالشعر
الحــكايه كلـــبوها كلمــتــــــين وردها

بعد ماجتك الرساله اعتـــقد مالك عذر
الرســـاله في بريـــدك كان ودك عـــدها

وكان ماودك دخيلك لاتخليـــــني انتظر
كلما جتــني رساله قلــت ذي من عــندها

الليالي البيض معروفه من حساب الشهر
واللـيالي السود ماحدن عارف ٍ وش سدها

الهوى اصدق شهوده الشرود مع السهر
كان هذي في طــباعـك مــديــــدك مدها

والجفاء اصدق شهوده التجاهل والهجر
كان هذي في طباعك اعــط نفـسك ودها

كل ليل ٍ يــبـتدي ينـجلي بـنور الفــجر
ليه تلــعب بالمـــحبه وانت مانـتة قــدها

لاتــفكر مانــحس اقلـوبـــنا ماهي حجر
(انتـــبه ) حنا بشر والبــــــشر من جدها

اه لوتــعرف غلا تك ياغــلاتــي وش كثر
ارتــوت منــها العواطـف لين وصلت حدها

اه لوتـــدري حبيبي كيف سوابي الصبر
موت البــسمه بشـفاتي وزود حالي هدها

كلما حاولت انســى حبك بقلــــبي كبر
وكلـــما صـديت عيــني فيك غـصب الدها

انتــظر رد الرســاله منك لوكلـــمة شكر
كلـــبوها كلمتــــين وكلمــه وحــده ردها

الشموووخ ,الطير حوران معجبون بهذا