دنياك هذي كلها.. ماهي مقر

السلام عليكم ورحمة الله


يابطوني بطواه عن بدع البيوت
وعن الكلام اللي يسمونه شعر

شبه اعتزال اضن.. أو انه سكوت
عن بوح شيٍ بالضمير المستتر

ياما وياما فات شيٍ مايفوت
لو ماتمر احيان نجعلها تمر

اما نودعها وداعة بطن حوت
ولا نشلدرها ولا عاز شلدر

وشهي نهاية عمرنا ياخوك؟ موت.. !
دنياك هذي كلها.. ماهي مقر..

ياصاحبي شعر النبط قافٍ وصوت
لو بطلبه.. جاني شطر يسبق شطر

ورثٍ من اجدادي مانطلب منه قوت
ولاني بعده.. راس مالٍ للعمر

لاوالله الا نلعبه لعب البلوت
وفيه نتفرنك ياخسارة يانصر

اهم شيٍ مانقابل فيه..بوت
تكوش لامنا قطعنا.. وتخسر

اصولها ياصاحبي ماهي تفوت
تقتل حلاوة لعبنا بالمختصر

يعني على وضح النقا علمٍ ثبوت
"بيت الشعر دايم معرض للكسر"

لو ان كسره ماهو بكسر البيوت
اللي تدمدم فوق خلق الله جهر

انا بعيني شفت مسفوهٍ يشوت
عمود بيتٍ جعل رجله للكسر

عساه ينقلها الين انه يموت
معيوبةٍ لو جبرت ماتنجبر

تصبح علامه للنقيلي والشموت
اللي يحبون الزريه بالبشر

ياعابدين المال واصحاب البشوت
نار الجحيم احرّ من نار الفقر

لا تظلمون الناس والظالم بهوت
خافوا من الله لا تخافون الدهر

الجووهره ,ناصر الهواوي معجبون بهذا

ارحب يا حمد الحربي تراحيب المطر بعد غيبه طويله عساها بدون باس
وصح الله لسانك على هالفاخره التي حوت امور كثيره فخر وتحدي ووعظ
واشارات ممتازه
مبدع مبدع بالحيل
لكني احس ان في خاطرك شي علينا او بعضنا وانا ما اذكر شي
لكنك حققت(وقد يجمع الله الشتيتين بعدما يظنان كل الظن الا تلاقيا)لاتقاطعنا يالغالي

حمد الحربي معجب بهذا

اقتباس:

المشاركة الأصلية كتبت بواسطة ناصر الهواوي

ارحب يا حمد الحربي تراحيب المطر بعد غيبه طويله عساها بدون باس
وصح الله لسانك على هالفاخره التي حوت امور كثيره فخر وتحدي ووعض
واشارات ممتازه
مبدع مبدع بالحيل
لكني احس ان في ختطرك شي علينا او بعضنا وانا ما اذكر شي
لكنك حققت(وقد يجمع الله الشتيتين بعدما يظنان كل الظن الا تلاقيا)لاتقاطعنا يالغالي

هلا والله يابو عبيد صح الله بدنك يالامير والله يجعلنا عند حسن الضن
اما عن اللي بالصدر لا والله مابالخاطر الا كل اعتذار على الغيبه والقصور ويشهد الله اني ماعندي الا كل ود وتقدير للجميع

ناصر الهواوي معجب بهذا

الله يصح لسانك شاعرنا
وتسلم على هـ النص الجزل والابدااع

تقديري لك،'

ناصر الهواوي ,حمد الحربي معجبون بهذا

اقتباس:

المشاركة الأصلية كتبت بواسطة شاعرة نجد

الله يصح لسانك شاعرنا
وتسلم على هـ النص الجزل والابدااع

تقديري لك،'

صح بدنك ياشاعرتنا القديره

شاعرة نجد معجب بهذا

هلا بك شآعرنا حمد الحربي
عودا حميدا
وصح لسآنك ودآم ابدآعك

حمد الحربي معجب بهذا

اقتباس:

المشاركة الأصلية كتبت بواسطة الجووهره

هلا بك شآعرنا حمد الحربي
عودا حميدا
وصح لسآنك ودآم ابدآعك

هلا والله بالجوهره .. الله يسلمك وصح بدنك