على وضح النقا

على وضح النقا المجرود هرول ياهجوس الذيب
بعد ما غيبك هم التوى في خاطري مده

اشوف حروف تحتاج النقط والشرح والترتيب
عثا فيها الزمان الشين وجبرها على الرده

بعد جت من قريب احترت بين الصدق والتكذيب
اثرها وقعت بين الضلوع وجات مرتده

حشمة الوجه عنها قلت يا عل الجروح تطيب
ما ودي شامتٍ يفرح بها ويكبر الهده

انا ياخوك ما ودي ترحب بالخطا ترحيب
ترا الدرب العوج جلاب للفرقا وللصده

انا رجال ما ترضيني دروب الردا والعيب
وبابٍ ينفتح للشر ما كلفت به سده

انا ما ابيك نقال الهروج وود هرج وجيب
ابيك تكون ميسم يكون المخطي على خده

علوم الغيب تبقى عند علام النوايا غيب
ولا أنت بجاهلٍ حجته باطل تنقلب ضده

مادم ان الحقيقة شمس ما يحجب سناها ريب
خذ العلم الصحيح ومن زعل يشرب بحر جده

الجووهره ,ناصر الهواوي معجبون بهذا

بيت القصيده هو الاخير
لله درك يابن خويتم على الابداع المنقطع النظير
السبب اللي من اجله قلتها زاد من روعتها
صح الله لسانك ولاهنت ودمت وسلمت
واهم شي انك شاركتنا وتطمنا عليك
دمت بخير

نايف خويتم معجب بهذا

نايف
صح الله لسانك وجاد بيانك
قصيدة معبرة

مادم ان الحقيقة شمس ما يحجب سناها ريب
خذ العلم الصحيح ومن زعل يشرب بحر جده

أبدعت شآعرنا نآيف خويتم
وصح لسآنك ودآم ابدآعك