مرسى ( هاجوس فكري ) الرواسي

مهما تحررت من كثر العتب و القيود
الذكريات استباحت كل حد و مجال

باقي على عهدنا، والا نسيت العهود ؟
سؤال من وحي طيفك يوم طال الجدال

اشكر طيوفك وفِيه رغم بُعد الحدود
في كل ليله لها عندي وصل و اتصال

الجووهره معجب بهذا

لو رواسي نجد غنّت باللحون السامريه
ما لقت منهو يجاوبها على صوت المنادي

و لو على اغصان الشجر ناحت عْصير الراعبيه
ما استثارت للقرايح في حضر والا بوادي

تبكي اطلال الرواسي ذكريات ٌ حاتميه
تُطرب اللي يعشقون الشعر يوم الجو هادي

و ينكم ؟؟؟
يا اهل الجزال اللي قرايحكم صخيه
جف عن كتب المداد !!! و طويت الصحف الجدادي

ما بقى ف الجو غيم ، القيض و شموسه قويه
و الهجوس مرادفات و كنها نشر الجرادي

الجووهره معجب بهذا

لو تعاندني ليال البعد ما اعلنت الهزيمه
باقيٌ حبل الرجاء و العهد رغم البعد باقي

ما يخون العهد من يمشي لك بنيه سليمه
و كل ذكرى باقيه ف القلب والشريان ساقي

شاعرة نجد ,الجووهره معجبون بهذا

الونة اللي تجاذب داخل اعماقي ،،،
من فعلها صارت الاخلاق شماعة

ما كل ذكرى كتبناها في الاوراقي
لكنها باقية ما تنسى ساعة

و تمر وقت الغروب و وقت الاشراقي
اودعتها في حنايا صدري وداعه

و ياليل قل للسهر لا يتعب احداقي
من كثر ما ارقب نجومٌ فيك لمّاعه

الجووهره معجب بهذا

حسبي على الهجس في لحظات سجع الحمام
زلزل ضلوعٌ نحايف كل ما اسمع هديل

و كم شمعةٌ قد طفت و اسدل ستار الظلام
في حلم يقضنه او انه حلم ليلٌ طويل

نفث بسحره علي مدري حلال او حرام
و انا لسجع الحمام الراعبي القتيل

حسبي على الهجس في لحظات سجع الحمام
زلزل ضلوعٌ نحايف كل ما اسمع هديل

و كم شمعةٌ قد طفت و اسدل ستار الظلام
في حلم يقضه او انه حلم ليلٌ طويل

نفث بسحره علي مدري حلال او حرام
و انا لسجع الحمام الراعبي القتيل