هنا .. سجن القوافي !!

مرحبا يالجوهره تراحيب المطر
وارحب يالخيال ما هلهل القطر
ـــــــــــــــــــــــــــــــــــــــــــــــ
وش يسوي اللي كل حاجه ترده للورى
وهو لاتذكر ما مضى ما يبي يرجع وراه

نعم فيه لحظاتٍ تسر وتضر بما جرى
جمر وتمر ياما باع منهن بالاسواق وشراه

وما زال ينشد هل الى ذاك رجعه ياترى
لجل يقنع الشامت بقول العيون وما تراه

ما يسهر ينام وفكره بما يهوجس به سرى
على راي سوداني حشا الزول ما يرقد براه

شاعرة نجد ,الجووهره ,خيال مطير معجبون بهذا

هلا بك مليووون شآعرنااا
وصح لسآنك ودآم حضورك الجميل وابداعك



يقوول شآعرهااا

يـاللـه بوسـمٍ مبكّر قبـل ميعـاده
‏نشوف سيله .. ونفرح في تباشيره

‏يسقـى جذور النبات وتزهر اعـواده
‏والأرض تخضَرّ .. بامر الله وتقديره

‏ويـزين جـو الخـلا ويذعـذع بـراده
‏من بعـد قيضٍ حبسنا داخل الديـره

ناصر الهواوي ,شاعرة نجد معجبون بهذا

مساء الخير عـ الجميع

وصح لسانك سلطان وعودا حميدا
وصح لسانك يالهواوي
وتسلم شاعرنا
كنت انتظرك أنت وإلا ابومنصور ورأيكم في مشاركتي
ومجاراتي لابداعكم وماقصرت طال عمرك وشكرا عـ التشجيع

وصحت ذائقتك مراقبتنا وصح بدنك
وسلمتم ودمتم،'

ناصر الهواوي معجب بهذا

تسليه…

أنا القتيله وانا القاتـل وانـا القاضـي
قضيتـي وامرهـا وامري,محيـرنـي,

حكمـت والقلـب لاكـارهـ .ولاراضـي
ظلمي وحكمي علـى نفسـي مسهرنـي

لو فيض شعري على بِيض الورق فاضي
ماغيرهـا نعمـة النسيـان تجبـرنـي

ياليتها تنتهي الذكـرى مـع الماضـي
ولا أتـذكّـر ولا الْـقَـى مايذكـرنـي

تتْعب خفوقي وترهقني علـى الفاضـي
والفكر مشغول واحساسـي يحذرنـي

الجووهره ,ناصر الهواوي معجبون بهذا

هلا بالجميع
انا والله ما جاملتك برايي لكن قلت الحقيقه وانتيمبدعه بلا منازع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
أنا القتيله وانا القاتـل وانـا القاضـي
قضيتـي وامرهـا وامري,محيـرنـي,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
كريم يا بارقٍ في مزنته ناضي
ولسان حاله يقول المنشي آمرني

روض البديع بسماه يلوح وماضي
وانا مثل هــ الوبل بالحيل ياسرني

فحواه بأعضاء من اونس سببت شاضي
وفكت ما بين النحايف فوهة فرني

في هــ التهم به80 الف متقاضي
وتنخى المنسق بقولة لا توخرني

من نفسه يقول عل النفس تعتاضي
واصير رقمٍ صحيح ولا تجيرني

بشيك تعويض ملتاعين ومراضي
ولا على كيف ما تبغى تسيرني

الجووهره معجب بهذا

الجوهره والخيال وانا متواجدون او الاسماء فقط
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ
هو دمث الاخلاق واخلاقي تجاريه
والفرق كان السبب بالحاصل الجاري

الفاظ ما كنت اراها حيل ناريه
زلت ولا كنت عن تاثيرها داري

اقول وقتٍ ديموقراطي وحريه
وإن التسامح بهذا المجتمع ساري

وعلى عجل جت ردود الرفض فوريه
اثر القطيعه نشيط وزندها واري

وجت لحظة الصمت بالحال اظطراريه
ابا اعتذر والعذر من صحته عاري

الجووهره معجب بهذا

وبُناءاَ عليه
ـــــــــــــــــــــــــــــــــ
لله در الذاكره لو بس ترفق بالقلوب
ليا جابت الاحداث باللي تحتويه تسوقها

من شرق والا غرب والا من شمال ومن جنوب
وادعت عيون المبتلى بالدمع تغرق موقها

تسجله لو هو تناسى ما نسيهم في قروب
وطيور صدره تكفخ وخطرٍ تفك سبوقها

الكبد تبتل ابــ بعضها والـ بعض يمكن تذوب
وان كان سلمت من حرارتها// تجف عروقها

جعل السحاب اللي على الديره تزبر له نصوب
يومر على الحي الشمالي لين يسقي سوقها

وبُناءاَ عليه
ـــــــــــــــــــــــــــــــــ
لله در الذاكره لو بس ترفق بالقلوب
ليا جابت الاحداث باللي تحتويه تسوقها

من شرق والا غرب والا من شمال ومن جنوب
وادعت عيون المبتلى بالدمع تغرق موقها

تسجله لو هو تناسى ما نسيهم في قروب
وطيور صدره تكفخ وخطرٍ تفك سبوقها

الكبد تبتل ابــ بعضها والـ بعض يمكن تذوب
وان كان سلمت من حرارتها// تجف عروقها

جعل السحاب اللي على الديره تزبر له نصوب
يومر على الحي الشمالي لين يسقي سوقها