يقول وش ودك وانا اقول ودي
اللي تْعَرْفه يوم ودي و ودك

العام يُم وصلك مع الريح ردي
وبيحت من كثر المراسيل سدك

وانا قفَلت وضاع مفتاح سدي
من كثر مـ اشرد بين مزحك وجدك

واحكي على نفسي واسولف بـ يدي
واروح مع هاجوس قلبي لـ حدك

واطلع على سطح القمر واستعدي
بموال شعرٍ كل ماغبت ردك

موال فيه مْن الغلا والتحدي
لـ وهج المشاعر,والهوى صار ضدك

لاضعت في موجي بجزري ومدي
وبْعذب قافي لاقريته وشدك

وانا على روحي بروحي واهدي
كني ولاهمي فراقك وصدك

ويالله من دمعه جرت فوق خدي
وياشينها شيناه لـ الشوق حدك