شبكة رواسي نجد الأدبية - عرض مشاركة واحدة

12-01-2018, 03:55 PM

تعزيت اهوم الصبر والصبر ماطيقه=عيوني من الفرقى شقاها يلاحقها
الايعيوني من طوى الهم والضيقه=الى اقبل سواد الليل هلت غوارقها
اهوجس ودمع العين جرح طواريقه=كما تجرح الوديان جانب مضايقها
انا انتل قلبي وانصرم من معاليقه=جزع وانمزع والروح شبت حرايقها
الاياوجودي وجد من قل توفيقه=غدى له ذهيب جرته مايعتقها
على جاهل كن الكواكب عشاريقه=تهاوى القمر والشمس من فوق عاتقها
عسى مزنة من عصر تكشف بواريقه=عليها يحيل الطير من قوبارقها
تحدر على مزن هوايه مشاريقه=جنوب الشعيب وشرقها الجال فارقها
تجي غبهاالريضان تضحك زماليقه=حمار وبياض زاهيه جل خالقها
مداهيل عنقا يشكي الضيم عشيقه=يسومل وروحه عاصف الحب طارقها