شبكة رواسي نجد الأدبية - عرض مشاركة واحدة

10-02-2017, 11:22 AM

محاورة ليلة الجمعه

الشاعر غشام + ومحمد الغنامي

غشام

بلاش استاذن النجلاء وانا فارس وريث شداد
ابا أضحي بـ ابو بندر وظلم وكل أهاليها

وانا ماهمني سالم ولا عنتر ولد شدّاد
معي سيف ً يقص الروس من فوق ويوطيها

الغنامي

هلا باللي ليا واعد يقابلنا على الميعاد
وحنا نلتزم بوعوده اللي دوم يعطيها

هذا غشام مايحمل سيوف ولاغثا وجهاد
اعده ضمن ناسٍ نكتفي في قرص اذانيها

غشام

يدوم لك البقا واقلط على الرسلان والبراد
قبل لا ناخذ علومك من اولها لتاليها

انا والله ما اخبر فيه احاديث ً بدون اسناد
علامك يبو بندر ماتسنّد وانت راويها

الغنامي

انا خابرك من قومٍ واساميها على الاشهاد
تسوق الروح من دون العشاير في مفاليها

ابا ادهن شاربك بالسمن ورث لي من الاجداد
ولاكنك نثرت العكه اللي كنت ماليها

غشام

وانا خابرك زين وعارفك واعرف للاجواد
رجال ً خلد التاريخ حاضرها وماضيها

دهنتو مادهنتو يامحمد قلنا وش عاد
تموت الحيه الرقطا بغيظ وسمها فيها

الغنامي

دعيتك كالوحش مير الوحش من عادته جحاد
تنكر والحرار اللي تلبي صوت داعيها

انا في واد يـ غشام لاهلحين وانته واد
تبني ف القصور ولاتكلف في مبانيها

غشام

تجيب لنا علوم ً مالها مصدر ولا ميراد
وضعنا يامحمد بين كاتبها وقاريها

ليامني بنيت البيت جودت له بالاوتاد
لكن المشكله في اللي يخم لها ويخطيها

الغنامي

انا احدك على المنحى ولو انك تبا المسناد
اقول لك القضيه عانها وتقول ما ابيها

ترجعني على بيوتٍ مطواتٍ بدون اعماد
عرفنا ويش فيها ياعميلي قبل نطويها

غشام

بلشنا وابلتشنا فيك يالحارث ولد عباد
على كيفك ليا منك بغيتلها تسويها

احسب المزنه اللي وسطها البراق والرعاد
يشوق سيلها وأثر الهواء والعج قافيها

الغنامي

مدامك شفت ويش نذورها لاتخبر النشاد
يجي عقبك عسوسٍ ماهقاويق بهقاويها

اانا باخذك من مكه وابا افكك وراء بغداد
تراء مكه بريه من سواياً لك تسويها

النجلاء معجب بهذا