شبكة رواسي نجد الأدبية - عرض مشاركة واحدة

10-12-2016, 09:29 AM

قصيدة للنقد والنقاش

في (الشانز لزّيه) اصبح القلب طش طيش
من شـــــــــفتها والعاطفة ترعش ارعاش

يوم اقبلت جات المشاعـــــــــــر خرابيش
والوجد شقق لهفتي بالتخـــــــــــــــــرباش

منّي دنت و اتنبّش القلــــــــــــــــب تنبيش
و اتبعثرَت فيني وله للــــــــــــــــــــتنبّاش

هزّت شجوني واصطفق ودّه ايعــــــــــيش
والقلب ما كـنه قبل شـــــــــــــــوفها عاش

جت من خيالي والمشاعــــــــر مفـــاريش
من داخل احلامي خـــــذت روحي فراش

تقول (هاي) وطــــــــــار عقلي بلا ريش
سدّل جناحه وافترى كــــــــــــل مــا ناش

لبا جنون الوجـــــــــــــــد لا جار تنغيش
لبا خفوقش يا غرام التنغــــــــــــــــــاش

لبا الحـــــــــلا لامن غدا الزين تَغــويش
لبا العــــــذوبة والغــــــنج بيدهـــا طاش

لبا و لبا كـل ما هــــــــــــو خلِـــق فــيش
يفـــــــداش قـلب اللي يحاكـيش يفــــداش

يا بخته اللي في حـــــــــــــــياته مربّيش
يصـــــبح و يمسي بين دلّش و حـــلياش

قالــــت (هوآريو) قلـــت يا حـي لـــبيش
لبا عيون الشــــــقــــــر والقلـــــب لبّاش

لبا أعاصــــير الــــــــولع في مـــرابيش
مَرْباش في قـلبي وقلبي تَهْــــــــــــــيّاش

لبا المحــــــــــــــبة لا تهامت مطاريش
لبا الغــــــزل دامـــه لعـــينيش مطراش

لبا عــــيونش يا غرامــــه محـــاكـــيش
يفــداش من حــــبّش و ياكـــم تمــــنّاش

يا كــــثر لبّا كلهــــــــــــا من حـــواليش
ويّاش شلّع لب الاحســـــــــــــاس ويّاش

تقول (ســـــوري)؟ قلت عمري ليالــيش
ما عاش منهـــــــــــــــو يا هنا ما تفيّاش

لو تفهمــــــــيني ما تزيدي تغلّـــــــــــيش
تتعلبشــــــــــــين و تحكمي بالتعلـــــباش

اروي خفـوقي من فراتش و صافــــيش
في داخـلــــــش يا بنت خلّـــيه يعــــتاش

يا من غدت فيني مشاعــــــر هشاهـيش
القلب هشّ و فيني الوجـــــــــد هشهاش

يا فرعنة كل الفكـــــر من يمــــــاريش
يشــــــــتمّ ريحش و يخَشْع في محياش

قالت(أقين) وقلت دوش المخــــــــاريش
وجدي و فكـري والشعــــور التمخراش

دوش امســـكي قلـــبي فـــدا بين اياديش
ضمّـــيه داخـــل مهجــــــــتش بيتوقّاش

ســـبحـانه اللي بالحـــــــــلاوة مغطّــيش
ســـوّاش لكن عنهـــم غــــير ســـــوّاش

قلبي و روحي و المشـاعـــــر بخاشيش
يفــداش من هـــلاّ و رحــب و غـــنّاش

من هامتش حتى نهــــــــــــاية مواطيش
فتنة وانا يالنايفـــــــــــــــــة فتنة ارقاش

قالت(دويو لوف مي) ورديت انا افديش
جاش العمــــر مَرْباش والروح مَرْماش

يا ملهمة كل المشاعــــــــــــر تْراويش
و اشواقي الهوجــا بالأعمـــاق ترواش

كل الحـــلا كاســــــيش والزين طاغيش
و ما بينهــــــــــــــــم قلب بدويّن تفدّاش

كل العـــذارى بالحـــــلا ما تجــــاريش
رب البشـــــر بالغــــنج والزين غطّاش

شفتش و صفّق خافقي للمــــــــــراميش
و امســت حياتي فدوتن للترمّــــــــــاش

ردت ( آي كانت ســتاند ) قلت المرابيش
مشاعـــري يا بنت تربشـــــــــني ارباش

تفهمـــــــــــــيني يا عسى الله يهــــــديش
يحني عليش و يصلحــــــــش ثم يرعاش

هاويش من قلب التوجّـــــــــــــاد هاويش
يا حلــم ما شــــــــــفته أبد علـــم لولاش

لنّي و تفكـــــــــــيري و قـلـبي دراويش
كلّي فــديتش كــل الأعمــــــــــاق ببلاش

جَت كل احاسيسي لعـــــينش مراعــيش
نجل العــــــــيون اللي تصيب الترعّاش

( بيكوز مي ) نبغيش لي عمر نبغــــيش
لــولاش فــيني نبض ما كـــنت لــولاش

من قبل اشـــــوفش كــــم تمنيت الاقـيش
اتوجـــدش و اتخــــيلش وآتحـــــــــراش

لش كل احاســيسي ترفرف بشــــــــابيش
يا باش يا لب الغلا و التّبشـــــــــــــــباش

تروين قلــــــبي من محــاليش و ارويش
و اظماش وارشف منش و آعوّد أظماش

هاويش من قبل آآآهوي في مهــــــاويش
ويّــاش روحــــــي دايــم اتــرفّ ويّــاش

( بيليف مي) قلبي به الوجــد طش طيش
من شـــــفتش وكلي وله يرعش ارعاش

ماجد بن رتيق

ريوف ,المصممه الوايليه معجبون بهذا