شبكة رواسي نجد الأدبية - عرض مشاركة واحدة

30-08-2020, 12:48 AM

وجدي ليا مرت على البال ذكراك
وجد الفقير اللي عجاف ن ظروفه

مديون ما يرجي التباهي بالاملاك
عفيف نفس وكن عيني تشوفه

فكره تنقل بين هذا وهذاك
ما جاب طاري نكبته في حروفه

لو بامدح اللي في يده قال يفداك
نفسه على مد الجزايل شغوفه

يقدم أزهار الوفا لو الاشواك
جت له من اللي شايلتهم كفوفه

راح متعني فوق جمسه لذولاك
لعيال عمه ناقصين المروفه

قالوا يبه فراج راع السلف..جاك
كشر بوجهه جاك ينفض كتوفه

والمشكله بأسمه يعينك ويبلاك
فراج..لكن من يفرج ظروفه ؟

( من تسالي الأرشيف )

عبدالله الصقري ,رحيل ,الجووهره معجبون بهذا