السلام عليكم ورحمة الله وبركاته
اليكم جديد اخوكم ابو عادل آمل ان يرقى لذائقتكم الشعريه
من فهـم يالفهيـم افهـم وفهمهـا=اقرها واتـرك الاجيـال ترويهـا
من نصح بالنصيحه ناصحن منصح=صاغهـا درتـن تبهـر معانيهـا
من كتب يكتب المكتـوب بكتابـه=واضحن ماتلـوى فـي مراقيهـا
لامشينا مشينـا مشيـت الماشـي=والشكالـه دروبـن دوم نمشيهـا
راسم الرسم يرسم وانرسم رسمه=وجمة البيـر تظهرهـا سوانيهـا
هندسة كل من هنـدس اهندسهـا=واخترع والصعيبه مبدعـن فيهـا
البـداوه بدينـا فــي مباديـهـا=واحتميـنـا حمـانـا مانخليـهـا
بالكـرم نكـرم كرامـن تكرمنـا=نذبح الحيـل واللطمـه لغاويهـا
بالحرايب حرابن تحرب الحـارب=ناخذ الذود لـو الشيـخ حاميهـا
ننتخي لانخانـا راعـي النخـوه=والقطيـره مـن البوقـه نداريهـا
محزمن مايحيـزم لاتحيـزم بـه=ينقطع بك وتهلـك فـي مهاويهـا
محزم الحزم نحزم بـه محازمنـا=ننطح القـوم مانحسـب بلاويهـا
اعتصم بالعصيمي معصمن يعصم=عزوتن لااعتزت تعرف عزاويهـا
وسلامتكم