اسعد الله يومكم بكل خير
اطرح لكم ابياتي ارجو ان تنال اعجابكم
يمه حياتي عقب فرقاك وشلون
تشكي ضلوعي من هموم وردتها
ياويل حالي داخلي جملة طعون
جالت بعينً باكيه وذرفتها
الحزن في ذاتي سمه صار له لون
والنفس حزنه من امور سهجتها
خالد حياتي باحت العين مكنون
وسط المدامع عبرتٍ فيضتها
تدري غلاها بين الاضلاع مصيون
للي تركتني والحياة تركتها
عزي لقلبي في الغلا جد مفتون
قلبي وروحي والمشاعر حوتها
وضعي من صروف الزمن بات مغبون
تعيش روحي والغلا اسرتها
حكم القدر وارد على الناس مسنون
رضيت حكمه والمشاعر سرتها
ربي رجيتك عالم السر والكون
رحمتك بامي فوق الارض وتحتها
تم القصيد وجاوب القلب مرهون
ومالوم عيني في الغلا لو بكتها
وسلامتكم