قالوا مريض وقلت فيني ولا فيه..ياعزة الله كيف ذاك المرض جاه
كيف الألم يدمي فواده ويدميه..ليت الألم ياناس شخص اترجاه
برجيه رجوة بخير حاله يخليـه...وان كان وده علتي قلت محلاه
لاجله بشيل العوق عنّه واراعيه..واصير من بد الخلايق أنـا دواه
لانه عضيد الروح والقلب يغليه..ما ودي انه لحظةِ يشكـي الآه
لو كان بيدي في عيوني أداريـه..واتشيله اجفوني وتغمض وتنساه
ياذا المرض عجل دخيلك تعديه..خل التعب لا يهد حيله ويصلاه
ماجور يامن بالنواظر نساويـه..يالله عسى من الشر يسلم محياه