شبكة رواسي نجد الأدبية - عرض مشاركة واحدة

19-08-2024, 07:55 PM

من مدونتي سماء نجد .. لعلهاا تعجبكم
,,,,,,,,,,,,,,,,,

يا حبيبي فيك ظني ما يخيب
لو حصل من بيننا صد وجفا
شمس حبك في عيوني ما تغيب
وفي حنانك يا بعد عمري وفاء
فيك معنى الحب يا روحي يطيب
صادق شوقك وشوقي صفا
لو تروح بعيد من قلبي قريب
في غرامك هام قلبي واكتفاء
في غيابك مشتعل مثل اللهيب
ومن عرفتك شوق قلبي ما طفاء
صدق إني وافي يا أغلى حبيب
صادق ما فيه مثلي بالوفاء

.................................................. .....

يقول ابن جدلان:

عطني ياهاب الريح من وقتك شوي

وأسمع كلامي كان ما به كلوفه

سخر جهودك في رضا الواحد الحي

والفرض لا تغفل من أول صفوفه

لا تمنع الناصح ليا قال ياخي

خذ ما يفيد وزايد الهرج طوفه

لا تطرد المقفي ولا تشاور العي

قدام ياكلك الندم والحسوفه

ترى حكيم الشور ياخذ ويعطي

نفسه من الراي الدناوي عيوفه

ولا تقرب الشبهه ولا تخاوي السي

عليك باللي طيبات وصوفه

من رافق الطيب شرب صافي المي

ومن رافق الهافي جفا الما كفوفه

ولا تنكر المعروف لو أنه شوي

من قدم المعروف رد معروفه

وأدمح خطا الطيب ليا صار مخطي

وأقبل معاذيره وقدر ظروفه

ولا تنهر المحتاج لا جاك مبلي

خسارة في فعل خير مخلوفه

وأطلق حجاجك لا أقبل الخاطر وحي

بشاشة الطيب كرامة ضيوفه

ترى الكريم معان بالخير مرهي

من يترك الماجوب جعله ذلوفه

لا تقطع الرفقه ولو حبلها لي

حبل الرفق من يفلته بان خوفه

رجل بلا ربعه من الناس مجفي

لا بد صكات الليالي تحوفه

واللي في عينه ما يشوف البشر شي

ترى البشر في عيونها ما تشوفه

ومن عوده حظه على بارد الفي

لا بد لفحات السمايم تلوفه

ومن ساقته نفسه على سكة الغي

صعب عليه ليا تمادى نكوفه

ترى الليالي تطوي أيامنا طي

يالله بحسن الخاتمه والمروفه

...............................................

الله من قلبٍ هوى الزين طاويه

طوي الشنون اللي بعيداً مداها

لا هو بعيد ولا قريب الراعيه

مار قلبي مولعٍ في هواها

يا ناس قولوا له ترى والله اغليه

أسهر وعيني من هواها بلاها

يا عين هلي صافي الدمع وابكيه

لا وعذاب العين قرّب عماها

على عشيراً راح عمري وأنا ارجيه

مثل المريض اللي عجز به دواها

لو يدري أني كل ليله أحاكيه

حلمٍ يقربها .. وحلمٍ معاها

سبحان من وصف جمال مزهيه

حوريةٍ ما شفت والله حلاها

رونج جماله عسى رب يخليه

ويكفيه من شر الحسد وقبلاها

والله لخلي كل زينه وأم شيه

أما أخذه ولا أتلقى خلاها

مالك بندر العتيبي

,,,,,,,,,,,,,,,,,,,,,,,,,,,,,,,,,,,,,,,,,,,

. صمت و هوآجس ..
وفجِر ..
و برد ..
و مفآرق ..
.. و صوت الحطب من سمعته ..
مآ هدا روعيْ ..!
يَ برد قلّي :
و أنا في هآجسي .. غآآآآرق ..
.. آلنار هي فِ الحطب ؟
.. وإلاّ ورى ضلوعي ..!

............................

،؛،.. يالله عفوك ..،؛،
يالله عفوك يوم تصفية الحساب ..
.. يوم حصاد لما زرعنا في السنين
يوم الحشر قرب ولا معنا زهاب ..
.. اليوم في الدنيا وبكرة راحلين
نجني ذنوب ونرتجي عفو وثواب ..
.. وعلى نصر ربي لنا مستعجلين
تدرون ليه آمالنا كنها سراب ..
.. تدرون ليه النصر سيف الأوليين
الأوليين أعمالهم وفق الكتاب ..
.. قاموا عليه وباعوا الدنيا بدين
وحنا غفلنا بين مالذ وطاب ..
.. والنصر سيف ما يسله غافلين
.................................................. ..............ز

ليّسَ كُل مَن ( لبِسَ الحَريِر )ظ±مِير ,

وَ لَيسُ كُل مَن نَآم ( بُدونِ سَريِر )فَقيِر,

فَكم مِن جسّد تَحت الحَريِر{ حَقيِر }!؟

وَ كَم مَنْ فَقيِر بـ'دون سَريِر{ قَديِر } !؟

....................................

صوغ يا عصفور لحن الفجر سمعنا
يمكن عـلى لحونك تـطلع الشـمـس..

وتشرق بها الدنيا قبل الليل يسلبنا
ضحكةٍ تحتضر تسأل عـن الأمـس..

,,,,,,,,,,,,,,,,,,,,,,,,,,,,,,,,,

أحر مـن جمر الغضى قلـب مشتاق
وابرد مــن ثلوج الشتا صدر خاوي'

.............................................

.................................................. ..............

الأجواد إن قاربتهم ما تملّهم
والأنذال إن قاربتها عفت ما بها

الأجواد وإن قالوا حديثٍ وفوبه
والأنذال منطوق الحكايا كذابها

الأجواد صندوقين مسك وعنبر
ليا فتحت أبوابها جاك ما بها

والأنذال لو غسّلوا ايديهم تنجّست
نجاسة قلوبٍ ما يفيد الدواء بها
:>>>>>>>>>>>>>>>>>>
وين سجينكم

وأقسى طعون الوقت طعنات الفراق
لا جـت مــن قلــب عطيتـه الرجــاوي'

ناصر الهواوي معجب بهذا