شبكة رواسي نجد الأدبية - عرض مشاركة واحدة

10-08-2024, 12:58 PM

اقتباس:

المشاركة الأصلية كتبت بواسطة كديميس السيحاني

مساكم الله بالخير
ماقصرتوا. ابدعتوا و امتعتوا

،،
و تسلية للخفير السجين هههههههههه

ابدأ بذكر الله بحمدٌ و تسبيح
و اقلط ولو ما وُجهت لي عزيمه

وبديت درهامي على الفطّر الفيح
ماهمني في القيض لاهب جحيمه

اعارض بقافي دهاة الطحاطيح
في قولهم طب القلوب السقيمه

احدْ معا ذكرى الليال المدابيح
يرقى سماه ويعتلي كل غيمه

و احدٌ لطرّاد الهوى منه تلميح
كن الرعد في الصدر يُسمع هزيمه

و بشرح لهم فعل العيون الذوابيح
اللي سواياها بقلبي جريمه

لسْهام لحظه فعل شلفا شليويح
و دمعة برائه مثل دمع اليتيمه

يا كذب من قالوا دموع التماسيح
الا دموع النصر ( لا ) للهزيمه

رووعه ياشاعرنا رووعه
مبدع وغني عن شهادتي
صح لسانك ولاعدمنا هطولك العذب

تقديري،'

ناصر الهواوي معجب بهذا