شبكة رواسي نجد الأدبية - عرض مشاركة واحدة

18-03-2023, 08:38 AM

‏أمشي ولا ادري وين أنا ماشيِ فيه؟

أروح.. وما أدري وينــني رايـــحِ لـه

ألقى المكـان اللي أبيه..مـتـعديه!

وأقـول وش جـاني وأنـا كنت أدله؟

وياليتني ما اتذكـــــر الا..الــلي ابـيه

‏والـــي مبـــيــه ..يزيله الفكـــر كله

وياليت كل الي يصب الفكر فيــــــه

يــصير لــي واقـــع بــدقـه..وجلـــه

والحزن يصـبح في خــبر كان..الاقيه

والقى الهــناء بــقلبي مكــانه يـحله

ويـا طَــر جــيبي مــن شعورِ أعـانيـه!

شـــعورِ صــعـيب الله.. يعـــجل بحـله

ما ادري انـا النـــسيان والا مخـاويـه

وسيفه عليّ.. فـــي كـــل سـاعه يسله

ومــاشي ولا أدري وينني ماشـيِ فيه

ورايـــح ومـــا أدري ويـن أنا رايح لـه؟

سعد الشليل

عبدالله الصقري ,الجووهره ,ناصر الهواوي معجبون بهذا