شبكة رواسي نجد الأدبية - عرض مشاركة واحدة

01-11-2022, 01:51 AM

صحت السنتكم وابدانكم وطابت ارواحكم جميعا

في العمل ولا يمديني اكتب شي
لكن اخترت هالنص واكيد شفتوه سابقا لكن هو اللي طلع معي
اتمنى يرقى لذائقتكم الجميله

أبيـك تسمـح لي لو انِّي تمـــاديــت
ولا تحسب اني للخطـا كنت راضي

حبّـك تخطَّى حـدَّه اليـوم و عـانيـت
ليـن القلـم حبـره مع الــدَّم خـاضي

يرسـم على قلبي طلآسـم و يا ليت
أفُــك رمـــزه كلمـا جـــآر قــاضـي

بغيـت الِــمّ العلــم و رشـآي مـديت
لا وا حســافـه كـآنـه البيــر فاضي

يا شـوك ليتـك قبـل تجـرح تروّيت
ما بعثــرت ريحـك ورود الحياضي

ليتـك مـع اوَّل نظـرةٍ فيـك ولّـيــت
ما جيـت بـ عهـود المحبـه تِراضي

نـوَّرت ليلي بالهـوآجيـس و اقفيت
و اشِمّ طيبـك في شبـوب القراضي

عشقي ظلام الليـل يا طـافي الليـت
ولا صار ضـوّك طآفيٍ كيف تآضي

المشكـل انّي طيّـة ارمـاسكـم ميـت
قبـري بقلبك و انت لآهي متغاضي

تعلى بي الاشـوآق والسَّـاس حبيت
و تـدمِّــر اللهفـــه عنـاويـن ماضي

ما همّني التجــريح لـو منــه ملّيـت
صارت حيـاتي سلـوتي في نقـاضي

الجـرح عـانيتــه بـ الآلآف و هلّيت
صـافي المدآمــع ليت فيهـا معاضي

و الهـم شلتـه بـ المثـاقيــل واغليت
و من الليــآل السُّــود كل المقـاضي

و الحيــل مجهــودِ بالآمــآل خطّيـت
ورا ســرآب الـلآل وجهـــة ركاضي

و عدد نجـوم الليل خاويت و عدّيت
يوم ادبـرت دنيــآي ما قلـب جاضي

تـملـكـنـي اللحظـه خلآوي و حاتيت
و تملك بي اليمنــا بحــورٍ عـراضي

و تبنينـي الكلمـه و اذا كمَّـلَـت بيـت
تنـسـفـنـي النظـره و الملم قضاضي

وتسري بي الهمسه مشاعر وغنيت
لحن الحـزن و الضّيـم زآد انتفـاضي

و يرويني منـآيـه و لا عنـك سجّيـت
حبـل الصَّبُــر يلويــه حلـم افتـراضي

ويقودني الهاجس على كل مااطريت
لا طـرف يغفى لي و لاني بـ حـاضي

كـنّـي مــع المشـلــــول لا ونّ ونّيـت
حـيٍّ و لانـي حـيّ و العمـــر قــاضي

جـفّ القلـم من كآيــد الهــم و جفّيت
ليـت المخيلــه ربَّعَــت فـي ريــاضي

مع احلى صباح الخير

شاعرة نجد ,نور ,رحيل و 2 آخرون معجبون بهذا