شبكة رواسي نجد الأدبية - عرض مشاركة واحدة

10-10-2021, 11:25 PM

اقتباس:

المشاركة الأصلية كتبت بواسطة ناصر الهواوي

لايهمتس يالجوهره ابشري بسعدتس

ياحضرة الشاويش قل للجوهره روحي هلك
ولا تترك كديميس من بعد العشاء ياصل هله

ماظن ابو منصور يجهلني ولاهو يجهلك
لا تربكه ياحضرة الشاويش خله بمهله

ضيف المساء مجفي (مثل)قل له تعشا مع هلك
وان طار والا نار سجن القاف هذا مدهله

سجن القصيد لقمة الشعار ما احدٍ به هلك
ان جا به الشاعر لحاله بيِّن اللي نجهله

ابو عبيد
لا فض فوك ولا انلجم لسانك

واستلم لاهنت

ان كان يا شاويش طعت الشايب اللي مِنهلك
من كثر ما متر خبوت الدار ضلعه و سهله

قله ترى منهل كديميس السيحاني منهلك
ما فيه عدٌ صافي الا قد ورد له و نهله

ءليا تزهلت بكفالتها ، السجن له بزهلك
من بعد خمس ايام هذا السجن اقول انت ادهله

و تشرح لنا عن عشقك اللي في صبا العمر ءدهلك
ومن بعدها نحكم على علم الفتى والا جْهله

ناصر الهواوي ,عبدالله الصقري ,الجووهره و 1 آخرون معجبون بهذا