شبكة رواسي نجد الأدبية - عرض مشاركة واحدة

06-10-2021, 10:32 PM

تسليه لي ولكم

على خير أشوفك كان حنـا مـن الحييـن

مصير الليالي تجمـع الحـي مـع حيـه

سرى النوم مع مسراك وأحفت دموع العين

كفـوفٍ تكفـه كفـة الشمـس للفـيـه

بمان الكريم ارحل وانا في انتظارك ليـن

تـدور الليـالـي دورةٍ ترجـعـك لـيـه

لك الله ما عن ناظري غبت لـو يوميـن

كوانـي فراقـك كـيـةٍ فوقـهـا كـيـه

ولا والله أرخصتك ولا شفت غيرك زيـن

وأنا ادري بحبك لي وانـا صـادق النيـه

أباصلك لو تبعد وانـا حافـي الرجليـن

صريع الغواني لـو جحـد فيـه ماريـه

تموت القلوب الخالية بين زيـن وشيـن

وتعيش القلوب اللي علـى الـود مبنيـه

ترى البعد بعد القلب ما هوب بعـد البيـن

إلى صار من ودعـك يـا عـدك بالجيـه

عبدالله السيآري

شاعرة نجد ,ناصر الهواوي ,كديميس السيحاني معجبون بهذا