سلام يا صوت(ن) سجع تالي الليل
عزفه على اوتار القلوب الحزينـه

اسمع صـداه وجاوبنـه معماميـل
صدر(ن) من الهوجاس بيح كنينـه

لو قلت لك صوت المـودّه تعاليـل
مع جل ذودٍ فـي قفـار و سكينـه

والبيد غاشيها المسيل اول سهيـل
اخير وابرك من ضجيـج المدينـة

و اخير من خوّة هل الطبل والنيـل
اللي طريـق المصلحـة ممتطينـه

و اخير من مجلس به القال والقيل
رفيقهـم فـي غيبتـه مقتفيـنـه

عشنا وشفنا ما ادوش الفكر والحيل
و عفنا من الخوّة سواد الضغينـه

وشبنا شباب وشيبنا في المقابيـل
وما كل شيب تعد حسبـة سنينـة

و ياخشف ياللي تكحل العين بالميل
كل(ن) على ما قيل يعـرف خدينـه

ولا تحسبين الصبر ماله محاصيـل
و جل المواقـف للعقـول الرزينـه

رحيل ,ناصر الهواوي ,الجووهره معجبون بهذا

لو جيت ابا اردع هجوس الفكر ب هيامي = يكفخ كما الطير لو هي ربطت اسبوقه
درب الموده يضيع بساحة احلامي= مزن الحيا في حياتي تكشف بروقه