هاجسي لمعة بروق المزن فـي مسراهـا
لو دوى صوت الرعد سمّا المطر وبروقه

لين يجرف وابلـه كـل المـدن وقراهـا
و الهشيم اللي حمسه الصيف شال عروقه

والجمال اللـي تحـن وتـرزم بمفلاهـا
ترقب بروق الحيا يوم الريـاح تسوقـه

وابل الغيث إن تحدر من عـلا واسقاهـا
الفياض الممحلات تصيـر لـه معشوقـة

و المغيث الله ليا مـن الفيـاض احياهـا
من مراويح السحايب وانبتـت زملوقـه

رحيل ,شاعرة نجد ,ناصر الهواوي معجبون بهذا

لو جيت ابا اردع هجوس الفكر ب هيامي = يكفخ كما الطير لو هي ربطت اسبوقه
درب الموده يضيع بساحة احلامي= مزن الحيا في حياتي تكشف بروقه