شبكة رواسي نجد الأدبية - عرض مشاركة واحدة

23-09-2021, 08:16 AM

صح الله السنتكم جميع . وكل عام ووطنا بخير ,
اعفاء من السجن بمناسبة اليوم الوطني

تسليه

خلف بن هذال في اليوم الوطني

ياوطنا ياوطنا عمت عين الحسود

ماتهزك لازوابع ولا غدر عملا

ياوطنا لاتزعزع وحنا لك جنود

البلا نصب وفوقه مقابيس البلا .

يالله بمانك من النكبات تامنّا

والدار بحماك تمّنها وتامنها

Gوامر القايد اGعلى تمثلنا

أرواحنا في سبيل الله نعربنها >

ياشيخ جابر لك الله ماتهاونا

الفهد يأكد العودة ويضمنها

ياشيخ والله زعلك اليوم مزعلنا

والمهزلة والمهونة مانواطنها

قصيدة يقطعك يا حب – خلف بن هذال

يقطعك يا حب توقف على ماش

ومن حب حلوين المظاهر بلاشي

اللي يبيعون المحبين ببلاش

حلوين الألسن والقلوب الغشاشي

العرق لو قصر على المي ماعاش

والشمس لو تغرب على الكون عاشي

تفخر بزينك يوم تجفل وتنحاش

ماتدري اني منك قانع وماشي

من اول عيني ترفرف بالارماش

جفن غطا والجفن الاخر فراشي

مطوع لك قلب ابيض من الشاش

ومستدخلك بين القلوب الهشاشي

واليوم أبنقش سر حبك بمنقاش

الله ولا حب سعى فيه واشي .

قصيدة عنود الصيد – خلف بن هذال
عنود الصيد صادتني وانا من قبلها من صـاد

واصابتني بسهم(ن) من سهوم عيونها النجلي

سهوم عيونها سيف ابن ذياب شلفا ابن شداد

ومن بين الحواجب شفت بنت السحر تغنجـلي

عليها من بنات الريح ورك وخاطر(ن) منقـاد

وصدر(ن) ماظهر طلعه وساق(ن) يكسر الحجـلي

يجر القلب جر اللي يجرونه وفي قيــــاد

وانا المرهون في غرفتها ومقيد(ن) رجـلي

ليامني ذكرته صار من بين الظلوع جهـاد

يجي جمع(ن) يضايقني وجا جمع(ن) يفرجـلي

غريب الجنس مصيون الكرامه من بيوت اجواد

عليها اون ونت من رماه الشاطر العجــلي

يمر امرار مع تال النهار وصد جد عمـــاد

ذبحني ياهل الديرة ورا الذباح مايجــلي

زعيم الحزن لرضاه العذارى كلهن قيـاد

ابا افدي بالبنات البيض من اجله ومن اجـلي .

رحيل ,ناصر الهواوي ,الجووهره معجبون بهذا