الهواوي
——

لها سنين مقيمةٍ بالمزرعه وسط النخل
لو جن من به جن شافوها تجن جنونها

بكيفها تسرح وتمرح مالها فيني دخل
الا لياقلت افزعي شبت شرار عيونها

مافي سلوكياتها من صغرها شيٍ مُخل
ما فيه ما يعجب بها لاشكلها لالونها

انخل بها غبات بحر الشعر لاغاصت نخل
يروع قلب الشاعر الصنديد شوف سنونها

نجد بحماستها لفت والشاعر بقوه دخل
واوميت بالمشلح لها لو انهم يشنونها

——
ابو منصور

انحت صخر واغرف بحر والكف ما ضِري بخل
لو كان ما قابلت خنساها ولا زيدونها

تخلخل الوقفه مخلخل يا الهواوي خذ
و خل
ماهمني مكياج راعية النخل و قرونها

و ليا اختلط فنجال بن وزعفران ومعه خل
هزيت بالفنجال قبل تفوح ويمدونها

و ان كان دورك مع عجوز المزرعه خلٌ و خل
ربطت حنحونك بخلف خلاف مع حنحونها

وما قد شبكت الحر الاشقر في شرك طير الدخل
و الجافله من جن مزرعتك قضيت ديونها

بالبسملة نشخل قلوب الجن مع ناصر شخل
والزلزلة و الحشر في قعر اللضى يرمونها

——-

الهواوي

تستاهل اذبح لك طلي وان ما حصل نذبح رخل
مادام بان من البيوت المحكمه مزيونها

اركد تواضع لاتتطاما الجرف بل خلك اخ إل
من وده يمد الطعمه لحضرتك في ماعونها

مانيب من لا ضاق صدره في نضام السير أخل
اما قطع حمراء الاشاره او وقف من دونها

عن الزعل ياشيخ ابو منصور يالغالي تخل
وشلون تقرني ابـ بنت الجن ما يرضونها

ان طعت شوري عن شتيمة بنتهم اذبح صخل
كفارةٍ عن غلطتك عساهم يخلونها

——-

ابو منصور

ترى الزعل ممنوع والكلمة بلا معنى تِخل
و البحر فيه المفردات اللي وساع فنونها

و ءليا ضواك الليل يا ابو عبيد للمشراق اخِل
تلقا الروابع والزوابع يدّرج طاحونها

كلْ و ما والى اقترانه ، مفرد اخلاء أخل
في معجم القاضي و محسن عالمٌ يقرونها

تذبح رخل تذبح صخل بخٌ بخٌ بخ ءل
جنيتك و ركابها وحمولها وضعونها

��
وبصراحة عندي انتهت مفردة قافية الصدر وابصم بالعشرة مافيك حيلة يا ابو عبيد

عبدالله الصقري ,رحيل ,الجووهره معجبون بهذا

لو جيت ابا اردع هجوس الفكر ب هيامي = يكفخ كما الطير لو هي ربطت اسبوقه
درب الموده يضيع بساحة احلامي= مزن الحيا في حياتي تكشف بروقه