شبكة رواسي نجد الأدبية - عرض مشاركة واحدة

07-07-2021, 02:00 PM

صح لسانك ابو عبيد

عَمار يانَخلٍ عْذُوقه مدابيح

الله يعَمْره ويْتكَفّل بْسُوقه

تَمره ِ يُوَزّع للوجيه المفاليح

وخُلو الخراف مَن النواجح عْذُوقه

حتى ظْلاله فيه من نفحة الرّيح

جلسة نفاهٍ بالبراد مْعشوقه

يلقى به الداني حَشِيّه وتفريح

وْرِطَب الخراف مْن المذانيب فوقه

هذا النخل نخل الرِّجال الزحازيح

اللّي بوقت القيظ تظهَر حْقُوقه

ما هوب نخلٍ صاحبه نذل وشْحِيح

محدٍ من اللّي يستحقه يذُوقه
.............................................
شعر: عبدالله حمير الدوسري

عبدالله الصقري ,الجووهره ,عبدالله الدّنّيش معجبون بهذا