شبكة رواسي نجد الأدبية - عرض مشاركة واحدة

16-01-2021, 02:57 AM

قم سو فنجال على خمسة اجناس

احذر تجي حرقه وبالك نياها

خلك لها عن كل عذروب حساس

قيس لها الطبخة على قد ماها

حتى يجي فنجالها يجلي الاعماس

عقب الصلف والسهر ما اكبر غلاها

بدوا به اللي للمعادين نطاس

مودع سمان الهجن يثلع حفاها

والثاني اللي يثني العصب بالراس

في ربعة يشبع بها من نصاها

والثالث اللي يحتمي دن الافراس

لا روحت خيل بخيل حماها

وباقي الملا لو ما تقهويه لا باس

هذّارة المجلس قليل حلاها

لا نافع ربعه ولا حاش نوماس

ضباط مال ولا يذري ذراها

عبدالله الصقري ,رحيل ,الجووهره و 2 آخرون معجبون بهذا