شبكة رواسي نجد الأدبية - عرض مشاركة واحدة

06-12-2020, 10:56 PM

وميض البرق ساري والْجَفن ياشوق سماري
مع الشباك ليلي واسْبره عيّىَ يجيني النوم

تفكرت وتذكرت وطرَى لي يـ الغلا طاري
وانا ماهوب من ذا الليل لا والله لي كم يوم

وانا روحي وقلبي يوم شفت الغيم له ساري
مَعَ ذاك الطريق اللي مـ احبّه لو علي مقسوم

وعلى حس الرعد رَعْدْ القريحه هزها اجباري
وتغنيت وتمنيت ودعيتك حيّ ياقيوم

تحقق لي مُناتي في حياتي والعمر جاري
عسى ماني بمَحْرومه من الغالي ولامحروم

سحابه ياسحابه لو سمحتي ودي اخباري
لشوقي واشرحي عن حالتي,عن صدري المكتوم

وقولي كيف اقضّي ليلتي وان صار مو داري
أنا مليت صبري والقدر لامن صدر محتوم

رحيل ,ناصر الهواوي ,عبدالله الصقري و 1 آخرون معجبون بهذا