المشاركة الأصلية كتبت بواسطة سلمى

شعور قلبي ما تمثنى خوافيك
كلا ولا مرت طيوفي بفكرك
وأنا اللي اردد ليا حل طاريك
من دافع الاشواق من غير ما أدرك
الله يقصّر عمر من لامني فيك
والله يزيد سنين عمري وعمرك
حتى ولو ما صرت لي مثل ماابيك
ما أبغى يجيك من الشقاء وزن ظفرك
يا مرحبآ لا جيت والله يحييك
ما غير وصلك وصل والهجر هجرك
جاوب خفوقي بالغلاء يوم يدعيك
ترى الهوى راعيه ماهوب مشرك
ما زاد طيني بله إلا تغليك
وظروف وقتي يوم شدت من ازرك
ليتك على وصلي تكثف مساعيك
وللغرام تفك بيبان صدرك
محدٍ على عرش الفخامه يجاريك
سبحانه اللي رافعٍ شان قدرك
شاعر ومبدع تفتخر بك قوافيك
واللي يحبك من جماهير شعرك
****** سلمى