لاهنت اخوي الغالي وشاعرنا المميز سلطان الغبيوي
والله يحيك بالسجن وبشر بالسعد وصح السانك والعود حكاية يصعب شرحها

تعال ننهي مابقى من خطاياك=همك بقربي والشقى محتويني
غلاك ولّى وندثر من سواياك=بنساك ماتطري علي لوتجيني
حلمٍ بنيته هده الهم وياك=جرحك عميقٍ والعنا مكتسيني
غاب الزمان إللي شغوفٍ الطرياك=يومك على فقدي تجر الحنيني
لاتعتذر لي عقب بانت نواياك=غلاك من صدري طوته السنيني
وقلبٍ طعنته يرتعش لا ذكرناك=وحدب الضلوع إللي براها الانيني
الله على قلبٍ نبض في حناياك=يوم الغلا صوبي وقلبك يبيني
ويوم المحبه واضحه في محياك=ويومك على جور الزمن لي عويني
منولٍ ضرب المثل في مزاياك=تضرب بك الامثال للعاشقيني
ومنولٍ لاقبلت تضحك ثناياك=واليوم اشوفك ناوي الغدر فيني
بان الجفالي منك بانت خفاياك=بعت الغلا همك رسم في جبيني
خلاص ابعد ماندور حلاياك=بعدك ابتشرق دمعتي وسط عيني

وسلامة الجميع وترى القصيدة هذي قديمة
وسالفتها معها قديمة القصيدة اسمها الخطايا.....
وبس دمتم بخير

رحيل ,عبدالله الصقري ,خيال مطير و 1 آخرون معجبون بهذا

الجووهره

لاصرت في صحتك والحال مستور = يغنيك عن بعض الرفاقه رفاقه
منتب على طرد المقفين مجبور = أما الوصل وإلا بلاش العلاقه