شبكة رواسي نجد الأدبية - عرض مشاركة واحدة

27-02-2020, 12:13 PM

اهلا بالمهره وبالجوهره وبما جابن تسالي ولا اروع وحضور فاخر سلمتن ودمتن
ارحب يا خيالوووه

يالله برحمتك صبح شاعر الشرقيه
ولطفك بقلبٍ منيب وحاسته نجوحه

وما نقص بالتيدر الحقته له النشميه
لين ناح الورق عندي بالنخل من نوحه

ما الحِق الشاعر ملامه بالاماراتيه
وام ردف ادعي لها يوم اسمعتني بوحه

ما نطق لكنه اعجب في هذيك وذيه
وما يخفي من عباره بالصور مشروحه

ليت ابو منصور شاف اللي بها لي نيه
كل ميزه في هذولي قدمها مطروحه

وكـان قـرر بـعـد مـا عـيـا لـنـا بـالـجـيه
ولو صدفها كان فداها بهن وابروحه

جاء رد ابو منصور يقل
ياصباح النور ياللي طرز القافيه
وريشة الرسام خط الوانها باللوحه

غن للورقا لحونك لا تبقي شيه
وناد شعار الرواسي والوعد بالدوحه

واحسب حساب الحضور لحاجةٍ مخفيه
ماسلم من نقد شاعر لو رقا لسفوحه

يلفت الانظار جسم معزلٍ في غيه
ويسلب الالباب وقلوب الهوى مجروحه

الرساله جاتني واخذت معها شويه
قلت برسلها لناصر وانتظر منظوحه

شاعر وله بالغزل باع وتعدا اوخيه
ياعسى يحيي قريحة شاعرٍ مذبوحه

قلت
ياهلا يامرحبا ماناحت القمريه
بصاحبٍ صار يتبرا ماعرف وش نوحه

كان معجبك القصيد ولا ءعجبتك هيه
يم ناسٍ ما نبيهم وش لزوم الروحه

البشر هالوقت مرتاحه على الحريه
من تكبع له بشيت الصبح عصر ايشوحه

لاتطلعني لحر الشمس بعد الفيه
الصدر يالشيخ ابو منصور يكفي فوحه

والرواسي عارفين وعندهم حريه
استعد لكل شاعر ياصلك منضوحه
ا
الدواه مجهزه والمرسمه مبريه
ولااهقا لك عن مناطح جيشهم مندوحه

عبدالله الصقري ,الجووهره ,الشامخه معجبون بهذا