ياخفير السجن وين الشاي وينه
يـ عساي اروق واعدّل مزاجي

صار لي كم يوم يـ الاقشر حزينه
ضايقه بالحيل لو مـ اعْقد حْجاجي

أتحلا بالصبر واقول زينه
من سألني,بس ادور للخراجي

والله العالم بما بيني وبينه
من فراقه ضاق بي وسع الفجاجي

مدري اشكي,مدري ابكي لـ اجل عينه
ودي اقوّم محامي واحتجاجي

عـ السهر والبعد وظروفٍ لعينه
كلها حطت على الفكر ارتجاجي

ياطيور الشوق واسوار المدينه
ذكرياتي حطمت باقي سياجي

الوله والود والحرف ورنينه
والسمر تحت القمر والابتهاجي

ياعذابي كانها رااحت سْنينه
مارجع,وانا انتظر ساعة فْراجي