شبكة رواسي نجد الأدبية - عرض مشاركة واحدة

22-02-2020, 10:05 PM

السلام عليكم ومسائكم سعيد
وصحت السنتكم وطابت أوقاتكم
وأقووول :
مسا الخير يا ربع الرواسي وكيف الحال = ترى حالكم لا زان تتزين أحوالي
عساكم بخير وحالكم بأطيب الأحوال = وحالة سعيدة من رضا ربنا الوالي
ليا غبت يا ربعي ترى حسكم ع البال = ولا غاب في ليلي وصبحي ومقيالي
أناشد هجوس الشعر تلهمني الموال = وأردد على ذكرى المواليف موالي
وننشد عن أهل الشعر والذوق والأمثال = وعن من نشد عنا نشدناه يالغالي
ل راعي العقال أزكى تحية وراع الشال= نجوم الرواسي وصلهم غاية آمالي
وسجن القوافي من مزاياه قيل وقال= سوالف وفي قيفانها سلوة السالي
من العقل وإلا النقل تتعدد الأقوال = وكلن يقدم ما طرأ حسب الأحوالي
وأنا لا طرالي راعي العقد والسلسال = تسلسلت في نظم القوافي بالإقفالي
أدور شواردها وهجسي لها يختال = وطرقي يدندن كلما جات في بالي
يسرّي هجوسي بالهوى وإغد لي وتعال = وحبلي ليا شديت يملي لي إحبالي
وأنا ما سك الشعرة ويدي على المنوال = ليا أرخيت شد الحبل الأول على التالي
^-^
ودمتم سالين و سالمين

حمد الخالدي ,هزاع محمدالعاصمي ,عبدالله الصقري و 3 آخرون معجبون بهذا