شبكة رواسي نجد الأدبية - عرض مشاركة واحدة

10-02-2020, 09:40 PM

السلام عليكم و رحمة الله و بركاته
و اسعد الله مساؤكم بالفرح والسرور
و كني بابو عبيد بين هاجس و هجَآس
لكن لوجودك في حرآت الجميع لازم نوسع صدرك
و هذي تسالي ع الطآير>>>>> تذكرت الفشفاش
هههههه

مختارت من الديوان

أنا ماني بـ محتــاجــك خيـال
أشـوفه بس ما تمْسـكه يـدِّي

أبي من قبلمــا أنطق : تعـال
تجي وتقـول يالملتـاع هـدِّي

أحبّك واعرف انّك لي محـال
وانّك ناويٍ هجري و صـدِّي

و لكنّ الهـوى يا ابن الحلال
يبيِّـح دمعتي من فـوق خدِّي

*************************

روَّحت ادوِّر على الفرحـه
في عين انســـــــان لاقيتـه

رجعت و بـخــافقي جرحـه
مـايـنـفـع الطب .. حبّيتـــــه

*************************

حلمت بـ عقربه تدبي بـ جنبي
لهـا رجول ام أربـع واربـعيــن

لها لون الذهب والســــمِ بمبي
و مـدري جن كـانت أو هجين

و باتت لين حل الصبـح قربـي
وانا بــ آيــآت خالقـنــا حصين

وقلت: الله على ماشفت حسبي
يجنبني عن الـشــــر و يعـيـن

كفاني سـمــهـم بـ زلآل شربي
نعم واعمى عيـون الحاسـدين

وانـا محتــار و آداري و اخبي
على قول ام كلثـوم و حـزيـــن

فــ لا يخـفـى عليـك اللي بقلبي
و عشـرتنــا لهـا عـــدة سنيـن

ولا يخفـاك ابــد جــدي و لعبي
و همي في حيــــاتي و الأنـيـن

و بعيونك شهدت اعلآن حـربي
من اقربهم ,, و زادوا الحاقدين

على جال المشــاكل كان جــذبي
من اللي بــ الـجـهــالـــه مبتلين

علي اخطـوا كثيـر و زآد كـربـي
و صرت الخايـن لــ مـبــدأ أمين

وصار اصغـرخطـأ بـ البعـد ينبي
و هــم أكـبــر خـطايــاهــم حنين

و كثر اللي مضى و اهوال دربي
بـ عـمـري مـا حقـدت و ما أدين

سـوى للي معــه غـفـران ذنـبـي
وهـو سـبحآنـه اقـرب لـ الوتـيـن

*************************

قبلما يخطر فـ بالك أي شي
فكِّري .. وشهو له حروفي تموت

*************************

لا القلـم يكتـب ولا الصفـحـه تشـيـل
والألــم غـيـر الألـــم غـيــر الألـــم

الألـــم مــولــد عــذابــات ودلــيــل
والألـم صمـت الفـرح بالـلـي انـهـدم

والألـم هـو شرهـة الـشـوق البخـيـل
بيـن مـحـروم الـغـلا و قلـبـن حــرم

لا غـــدا بـيــن الأحـبــه مستـحـيـل
مستحيـل يطيـب مـن حــب و غــرم

*************************

الشامخه ,ناصر الهواوي ,شاعرة نجد و 1 آخرون معجبون بهذا