المشاركة الأصلية كتبت بواسطة سلمى

الله كم ليل خليته لمن نامه
علاقتي في الكرى قطّعت أواصرها

لا صار كل آدمي في سابع أحلامه
قريحتي كل هاجوسٍ يساورها

ماهو طمع في مجال الشعر وإعلامه
الساحه اليوم يا ما أكثر شواعرها

جو الهوى في فوادي هبت انسامه
وأنا فتاةٍ تفضفض عن مشاعرها

تنقى طواريقها خامه ورا خامه
كنها تنقّي سلاسلها وأساورها

لو في سعادة شعور الحب وآلامه
ممنوع بنتٍ تقول اللي بخاطرها

ابك الهوى شين لامن رفت اعلامه
ما يرحم الناس مسلمها وكافرها

ياللي غيابك علينا طالت أيامه
متى عيوني تكحل بك محاجرها

قرّب غيابك يكمل* ثالث اعوامه
ومكانتك مثل ما هي وانت خابرها

ما داج في القلب غيرك عاصب عمامه
أنت الموده من أولها ليا آخرها


سَلمى