شبكة رواسي نجد الأدبية - عرض مشاركة واحدة

08-11-2019, 11:13 PM

تسالي لآخر سجين

و من اجمل ماقاله جدي

مساك بالخير ياتاجٍ بليا قصيد
الا نوادر لشعارٍ غدت بايته

قلت اسنحك واتصفح فيك لجل استعيد
اوضاع حلوه مضت بسنيننا الفايته

يوم المغنين تبدع والمتابع سعيد
ومديرنا من فعوله نشكر ولايته

من قبل زين النوايا عن مساره يحيد
و(صح الله لسان)كلٍ صارت هوايته

وقريت صفحات ابو بندر وفيها نشيد
وارى ابداعه لصوغ البيت وادرايته

وفتحت متصفح اللي للقوافي عميد
رمح الغنانيم دايم خافقه رايته

وما دون محمد العواد بي جاب عيد
بعض المواضيع من نفسي بلغ غايته

والقرني اللي قديمه لاقريته جديد
اللي مجال التكلف بايسره شايته

وابداع سامي ومذكر امر ثابت واكيد
يشرح صدر من قرا لو كرر قرايته

وياروعة بيوت ناقدنا لو انه يريد
مكره اخا لا بطل من وينها جايته

والعاصمي لا بغى حبك المعاني يجيد
يحيي بقاف الغزل مشاعرٍ مايته

وعن شاعرة نجد في هالباب مالك محيد
خبير الابداع عنها كرر وصايته

يقول ياللي تبي تقرا البديع المفيد
باصفى وجه له قصايد هذي مرايته

وريم الفلا تنحته بل تسبكه من حديد
على البديهه تصل للهاجس املايته

ناصر الهوآوي

-----

حبيت اجاريها بهالأبيآت القليله

يا مرحبا بالقصيد اللي يفل الحديد
فيه العتب و المحبّه قصده و غآيته

فيه الأمل نور يتلألأ بعقد ٍ فريد
فيه التوجّد و نبض الوجد و حكآيته

فيه العَلَم جمعة احبآبه و عهد ٍ جديد
يا من قريت المعآني جآتك وصآيته

يقولها من توآقيعه بـ إسم الحفيد
اللي لـ عينآه صآر الشعر هو ءآيته

الشعر بلسم جروح و نبض شوق ٍ مريد
لو ماغدا فرض للشآعر هو هوآيته

وسلامتك و المعذره ع القصور

عبدالله الدّنّيش ,ناصر الهواوي ,خيال مطير و 1 آخرون معجبون بهذا