شبكة رواسي نجد الأدبية - عرض مشاركة واحدة

04-11-2019, 11:30 PM

تسالي

من جديدي
وللآن ما نتهيت منها
حبيت اشاركها معكم

يسعدني اني دايم فـ بالك
ياللي خيالك دايم فـ بالي

القلب تحت امرك و لبَّأ لك
يا لبَّا أغلى قلب لبَّا لي

ما ارتاح لو ما أعرف احوالك
و آطمِّنك عنِّي و عن احوالي

أحييت روحي بصادق وصالك
ما خفت او شكَّكت بوصالي

كل الذي مكتوب مهدى لك
نزفي لأجمل عين تقرا لي

فيه الوفا و الود يصفى لك
و ما دامه لعينيك يصفى لي

الهمس والتغريد يحلى لك
والشعر و الوجدان يحلى لي

الحب مشروبك و فنجالك
و الحب غَرَّقني بفنجالي

النرجسيَّه تحكم افعالك
و انا فؤادي يحكم افعالي

ياجوهرة جيلك هَنِيَّا لك
وانا بمعرفتك هَنِيَّا لي

قلبي بصادق شوق يسعى لك
يا ارقّ و اعذب قلب يسعى لي

العمر يا اغلى العمر يفدى لك
و الروح و حالي كله و مالي

غالي علي و ما تبي جا لك
تآمر و لامرك يرخص الغالي

الجووهره معجب بهذا