شبكة رواسي نجد الأدبية - عرض مشاركة واحدة

11-09-2019, 01:35 AM

من غلا شمر هل الوقفات ذربين الفعايل
جيت حايل ديرة اللي ماحد ٍ يجهل كرمها
ديرة أهل المدح وأهل المجد في شتى الوسايل
يشهد التاريخ لرجال ٍ ما تأخذ في ذممها
الرجال اللي مواقفها ما تجهلها القبايل
الرجال اللي فعايلها تعبر عن قيمها
الرجال اللي تبين أفعالهم لأقلت حايل
يفتخر حايل بشمر لن مجده من قدمها
من عصر حاتم إلى هلحين وشهود المثايل
سمعة ٍ يشهد لها التاريخ والطائي وسمها
اسم حايل واسم شمر رمز وأمجاد ودلايل
من قديم الوقت سمعة شمر يرفرف علمها
ذكرهم بين القبائل دائم ٍ في راس طايل
الكرم رمز وكرم هذا القبيلة وسط دمها
الغلا داخل ضميري كوم ويفوق الرسايل
لن شمر منبع النخوات عندي وأحترمها
شفت ما يذكر بعيني ما رويته قول قايل
وترجم إحساسي بيوتٍ في هل المدح أغتنمها
الوفاء طبع الرجال اللي يعرفون الجمايل
والسلوم إلها رجال يا عساني ما عدمها
موجز التعبير رمز الجود في شمر وحايل
ولو ذكرت أجا وسلمى ذكر شمر من خدمها

الشاعر / مهدي بن مسفر القحطاني

الشامخه ,عبدالله الصقري معجبون بهذا