المشاركة الأصلية كتبت بواسطة عبدالله الصقري

لك يالأمير 100000000000000000000000000000000000000 شكرا
ولا أجد من المفردآت ما يليق بسموك



دهمان للي ظامي الريق مروين
و قلوبنا لاجل المحبه شظايا

نقتات بالمخلاب و نعظِّم الدين
نوفي و لو طاحت علينا المنايا

خيَّآل يا عز الرفاق النظيفين
لك أجمل حروفي و اغلى الهدايا

إنت ابن آدم لو غزتك الشياطين
تخطي و نخطي وفي المحبه خطايا

شفّآف صادق في جميع الميادين
محبوب يا خيال بين البرايا

و محبتي لك دون كل المحبين
ما اندم عليها و ما عليها هقايا

مالكني بطيبك و غالي من سنين
ما يوم جاني منك غير الوفا يا

يا كل ما يعني لي الموقع الحين
و اغلى رفيق ٍ منزله في حشايا

ما هو قصور ٍ في الرجال الميامين
شرَّآبة الدم و مطير و طنايا

و الكل دون اسماء ربع و سلآطين
ما الومهم لو كان جزَّوا خفايا

لعيونهم هذي جروحي دواوين
و لعين من حبيت كلي فدايا

ماني من اللي لو قسى الوقت بـ يشين
والا من الهافين و الا المطايا

إنسان عشت الهم و العسر و اللين
نفس الخفوق و نفس ذيك السجايا

متهوم واللي يقدر يدينني يدين
بريء واضح بين سود النوايا

ما زاف نبضي ما غشته التلاوين
ما ضعت ما لي في دروبي مرايا

و سلامتك خيال من دون تلحين
ما غيرك يفند زحام الحكايا