يالـهـجـس لامـريــت سـجــن الـرواســي = عــلــى رفـيـقــك لا تــشــح بــكــذا بــيــت
مــن صـنـف جــلاي الـكـدر والنـعـاسـي = مـن يسمـعـه يـقـول مــا مثـلـه اوحـيـت
لــــو تــــدرك هــمــومٍ تـجـلـجـل بــراســي = تـثـور بـعـض احـيـان مـثــل الدنـامـيـت
كــان ادهـــرت وجـيــت كـلــك حـمـاسـي = ولنخـوتـي لــك كــان فــي ســرع لـبـيـت
عـقــب الـونـاسـه مـــر طـعــم الـمـآسـي = كـنــك تـجــرع كـــاس صـبــره وحـلـتـيـت
مجنـون يحسبـنـي مــع الـوقـت نـاسـي = يــزهــم بــرقــمٍ غــيـــر ويــقـــول حـيــيــت
قلـت ارحــب ارحــب يابـعـد كــل نـاسـي = وش ذكــرك بــي يـــوم كـنــي تنـاسـيـت
ويـــن المـغـيـبـه عــــل مـافـيــك بــاســي = وفـي ماقفـي دخـت وجلـسـت وتراكـيـت
لـيــه الـعـلاقـه صـــار فـيـهـا انـتـكـاسـي = وتـــراك فـــي صـــدك بـغـيـت وتـمـاديـت
تـقـسـا عـلــى قــلــب بــلامــاك عــاســي = ويموت غرسٍ في مطر وصلك احييت
وتـرثــع بحسبـتـنـا وتـجــرح احـسـاســي = وخــلـــك تـلـقـيــه الـــخـــلا والـسـبــاريــت
مــازالــك بـالـقـلـب حــــس و حـسـاســي = وبفـمـي طـعـم فنجـالـك الـلـي تقهـويـت

تعوّذ ءمن إبليس ، وإبليس خاسي= ولا تجيك الوسوسة كلما جيت
ولا يصيدك شك وإلا إلتباسي = الهجس يعصف مثل عصف العفاريت
يجول في رأسي وينفح عطاسي = مدري زكام البرد وإلا تناهيت
البارحة مريت والجو قاسي = والبرد خيم وأستكن داخل البيت
دورت ع الفروة وصارت لباسي = وفحم القَرَض في داخل البيت شبيت
وهاضت هواجيسي وشبت حواسي = وجتني مطافي طفّت النار بالزيت
والكهربائي قال فيك إلتماسي = سبة جروح ولا أنت حيٍّ ولا ميت
والشعر سوّا فيك مثل النواسي = تهذي وتتخيّل بها لا تهذريت
والعشق متأصل وليس إقتباسي = تعشق بسمعك قبل عينك ولا ريت
وفي داخلك تعمل حضور وأماسي = وتتصور الحفلة وروميو وجوليت
وأصحى من الأحلام وأعلن فلاسي = وأتوب وأرجع كنني ما تهقويت
هذي وصوف الحال ليتك تواسي= ولا تحسب إني يالهواوي تعافيت