عطني آمل وهدم حصون الرتابه = أنا ورا سجن الرتابه من سنين
أصبح غيابك والحضور يتشابه = وأكذب على نفسي وأنا أقول بتزين
مزيج من قل الجدا والكأبه = وتهافت العبرات وحدة وثنتين
وحرب العتب بين القلم والكتابه = في سرد مضمون الحدث والعناوين
أن كان ماتدرين هاذي غرابه = وأكبر (مصيبه عمر) لو أنك تدرين
ولا الفرج مأمول والصبر (بابه) = وأنا صبرت أطرد ورا غيبتك لين
خاف السؤال وسائله والا جابه = من كلمة تظهر خفاء باكيت عين
بالمبتدا رحت أتبعك غير آبه = وجات النهاية بين مقدر و بعدين
ناهيك عن هجر المطر لسحابه = وازمة خريف العمر بعد الثلاثين
ياغايبه لو قلت : (مغرم صبابه) = أخاف لو أنك بعدها تقولين
ان الم تكن ذيب(ن) كلتك الذيابه = وصارت كذا قوه ومضمونها (لين)
للفعل رد وللمثير أستجابه = ولو بشرح القصة يبي لي دواوين
اللي وقف بالدرب واللي مشابه = منين و ين الله علم و ين ومنين
شف! ياتعب قلبي وزهرة شبابه = من قبل يدعي بالجفا داعي البين
صحيح لا (حيه) ولا يا (هلا به)= الحايل اللي وقف بوجه الأثنين
لكنك أن ماجيت حب ومهابه = وتركت عنك الكبر والخاطر الشين
فعلم ترا بعض الغلا يندعابه = وبالمختصر ونحطها بين قوسين
(اللي دفعني للعتب والكتابه = فقط رسالة وجد بين المحبين)
(كسرة أمل)تهدم حصون الرتابه = وأسمع تراني منتظرها من سنين