شبكة رواسي نجد الأدبية - عرض مشاركة واحدة

09-02-2019, 08:01 PM

تسليه طويله
الشاعر : فيحان الرقاص الحافى الروقى العتيبى عندما كسرت رجله فى احدى المعارك

يقول حافى امولع ومولاع = جاله امن الدنيا هموم وغرابيل
مصونعه من ضيقه الصدر صوناع = عاقل بصير وشاطر يبدع القيل
منه الفؤاد وخزنه القلب تنلاع = كما يلوع الشعف لدن السنابيل
يا راكب أربع ربع من عقب مرباع = شعل شمعليات رمل مراميل
عوص عصا مع العصا عوصى وأطواع = قطم الفخوذ لحومنه معازيل
خضع الرقاب ومشيهن بالتخواع = يعرج بهن الى اونسن الدهاويل
ما فوقهن الا الجواعد والانطاع = وعيال فى خرس الليالى دواليل
شيلو عليهن صبح والفى ما راع = واخذو لكم فنجال والقش كدشيل
ثم انهجو من ديره المد والصاع = دار شحبحه مير أهلها مشاكيل
والا ركبتو خلو الهجن زوماع = سجو ولجو والركايب جهاجيل
يا طن ملعق والعرايس الا ناع = والعصريم الحنفسيه مخاليل
عد وفريده شعر حيث انها اسناع = وان ما جذبكم شوف مدوا درابيل
ان كان لا شفتو ولا جاكم أفزاع = استنورو فى نايفات الاذقاذيل
يا كود يجذبكم مع الليل شلاع = نار يصرم جمرها للمعامل
ونجر يجر اعواه والناس هجاع = تلقى الرويم يلعلعه تالى الليل
وهدف يروبع فيهن الكيف روباع = يا زين خنه هيلهن بالفناجيل
وبيت الى حلو يشيد بالأسراع = بيت الشراب القهاوى مواهيل
فى مجلس ما فيه حايع وحواع = من جا مهلا به ومن راح ما سبل
هذاك ابو نايف(1) احما قاصر الباع = يوم الخفاف يجانبون الزماميل
ويلوذ به من كان ميس ومرتاع = لا رفعو لقيطهن المساحيل
وانخ الغفيلى(2) سله الهند قطاع = سيف امصقل من خيار المصاقيل
حواف بالغدر أو فارس وقطاع = وحزام بالكربه وبالبصر حلحيل
وابن خنيصر(3) فى ضحى الكون بتاع = يهوى عليهم مثل طير النبابيل
وغيره اذا شاف السايير يشتاع = وينقد اللى يلزمه من محاصيل
ما هو معيثر خبيل وقباع = وان جاك فى وسط المجالس اليافيل
وفيهم ترى ابنا التوم اللهجن مزواع = وربعى ذوى ربعى كرام ومشاكيل
تلفون عيان وللدين تباع = وعيان لغصون البلنزى نواتيل
مخضبه بايمانهم كل مسواع = للريم فوق أرقابهنه عرابيل
غازي وضيف الله(4) على كل الانواع = ربع على كثر الخساره مراحيل
ومعجب(5) عشيرا مخوتمه عشر الأصباع = وابو سند(6) خضوه ديب الرجاجيل
وأبو رحيم يا هل الهجن توداع = سويد(7) مطلق محكمات المحابيل
ثم انحروا من رفقته تبر الأوجاع = برجس(8) سعد قلبى اليا ضدن الشيل
ماريته لا جا امن البلد طلاع = دايم يهلى والركايب مقابيل
ومن عقب برجس درجو لخو هزاع = فازع(9) حديد الهند عطب المواشيل
قل له ترى فيحان دمعه اذا فاع = مثل الخيال اذا تقفاه شهليل
باق العرب صدقان لكن لى ناع = ما كل اتعب له اركاب ومراسيل
ما يبهج الضميان ضحضاحه القاع = ولا يبرد المحسوس زود التعاليل
ولا دابه جازت بليا تمتاع = ولا وادى يخضر جنابه بلا سيل

الشامخه ,ريم الفلا ,النجلاء و 2 آخرون معجبون بهذا