شبكة رواسي نجد الأدبية - عرض مشاركة واحدة

06-01-2019, 10:45 PM

تسليه

=ابو مناحي
اعداد ماخيل خيالٍ وامطرا=واعداد مالاحت بروقٍ بالغمام
يامرحبا ترحيبةٍ بالغانمين=واللي عقد روس الحبال يحلها
=.
بنسرّي الطاروق والساري سرا=وابو طلال انكان في صدره كلام
حنا ترانا بالمواقف حاضرين=واللي عقد روس الحبال يحلها

=ابو طلال
يامرحبا والسوق بيع ومشترا=بالشاعر اللي مكسبه ذروة سنام
اقولها في كل وقت وكل حين=واللي عقد روس الحبال يحلها
=.
نسوقها قدام ماترجع ورا=حنا لها والنور جلاي الظلام
مافيه عنها لايسار ولايمين=واللي عقد روس الحبال يحلها

=ابو مناحي
عيد النظر حتى تعرف اللي جرا=وانته من الشعار واوضاعك تمام
والعجله اتدخلك في جيمٍ وسين=واللي عقد روس الحبال يحلها
=.
لاتطفي الانوار مع طلعة كرا=خلك نظامي لاتخالف للنظام
تراك فاهم من قديمات السنين=واللي عقد روس الحبال يحلها

=ابو طلال
عيني تشوف الدرب وعيونك ترا=والمحترم ماله ياغير الاحترام
وانا على قول المثل جنبي متين=واللي عقد روس الحبال يحلها
=.
حنا نبي علم يسر الخطرا=والا نحطمها على راسك حطام
يالي تقول انك على تقوى ودين=واللي عقد روس الحبال يحلها

=ابو مناحي
لابد من لجنه سريعه واخبرا=يالصاحب اللي من رفيعين المقام
لكن ياصالح عسى ربي يعين=واللي عقد روس الحبال يحلها
=.
ابشر بعلم وعلّم اللي مادرا=بنوجه الهجمه لملعون الرسام
ونحطها مابين خشم وبين عين=واللي عقد روس الحبال يحلها

=ابو طلال
تقولها وانته عروقك بالثرا=ياللي تجر الصوت لاتصحا النيام
خلك على قول المثل رجلٍ ذهين=واللي عقد روس الحبال يحلها
=.
بالامر والمعروف ينهى المنكرا=ياللي تخلطون الحلال مع الحرام
ماتخفي الايام لابده يبين=واللي عقد روس الحبال يحلها

=ابو مناحي
انته وانا بالطيب يالقرم اخشرا=واذا رفعت الصوت عادي ياسلام
والعالم اللي قلت مبطي نايمين=واللي عقد روس الحبال يحلها
=.
ماينفع المعروف والدم احمرا=بنكسر خشومٍ معديها العرام
اتزين والا ياعساها ماتزين=واللي عقد روس الحبال يحلها

=ابو طلال
ادفع ضريبه للنهار الاقشرا=وارتاح في ظل العماير والخيام
واخذ من التمر المصفى قلتين=واللي عقد روس الحبال يحلها
=.
ماعاد به شيخه ولافيه اومرا=واللي يموت نقول جعله للرحام
وارفع يدينك قول الا يامحسنين=واللي عقد روس الحبال يحلها

ريم الفلا ,الجووهره ,ناصر الهواوي و 1 آخرون معجبون بهذا