انا من بعد فرقى اللي سحرني كني المجنون =احس بشرهة العاقل وانا عن شرهته سالي
اكفكف دمعتي ساعه واقول الناس لايدرون=واطالع صورته واضحك ليا فكيت جوالي
واقول فخاطري يالحظة الفرقا علي بالهون=انا من جرحي الاول بعدني مابري حالي
ثلاث سنين مرت بي وما للحب فيها لون=فصول العام فيها سْواسيه في كل الاحوالي
ملامح صيفها برد المشاعر والجفا مضمون =وحارت فالمحاجر دمعتي في ليلها الخالي
وانا في حروة رجوعه تزيد طعون فوق طعون=ليا من جرت الذكرى على ماضيه موالي
بعد جيته على غيمة محبه غيمت فالكون=سقيته كلما جفت عروق الحب همالي
وشيك الحب حررته رصيده جاوز المليون=رصيدٍ من بنوك اهل الغلا في حشمة الغالي
بكيته فالحضور اللي بموت العاطفه مقرون=وبكيته بعد ماطال الغياب وتاهت امالي
وقلت الله على حبٍ بلا حكمٍ ولاقانون=ترك بعد الشموخ الي بنيته بس تمثالي