نجمة الليل كانك تلمحين الزعول = وصلي له مكاتيب الوله والرضا
علميه بشعور الجوهره وش يقول=يوم مافيه غيره بالمحبه حضا
حلفيه الغياب اليوم لا ما يطول =في غيابه ترى جفني سهر ماغضا
حبه ابوسط قلبي استحاله يزول=ضاق فيني من افراقه وسيع الفضا
ياعسى الله يجيبه والجفا مايحوول=كن قلبي على فرقاه جمرن غضا
من صدوده وهجره صار قلبي ملول=ياوجودي على اللي فات معه ومضـا
كان عزم على الفرقا وعنده ميول= ببتعد عن طريقه وارتضي بالقضا
يانجوم الليالي جيت اطق الطبول=يوم قلبه على جور البعاد ارتضا
علمي من جهل درب الغرام الاصول= خلهم من غرامي ياخذون العضا
علميهم عن اللي حدني للذبول=منه قلبي وروحي بالغرام امرضا