المشاركة الأصلية كتبت بواسطة محمد الـفراج

الله يسعد مساكم

ابو عبيد ماله شوفه اليوم ههههه

يالهواوي ويش عندك في ضريه
شاب راسك يالهواوي وانت فيها
ـ
سجة الاقدام في نجد العذيه
لو تجربها بمالك تشتريها
ـ
انشد اللي ونسته دارٍ خليه
كل ما ضاقة بعينه يمتطيها
ـ
ما معه غير الدلال الشاذليه
عزبةٍ تجلى عماسه ما نسيها
ـ
والبلاء ماهوب هاذيه وذيه
كيف ابشرح حالتي ومنين اجيها
ـ
اطربيني يالحون السامريه
لين اجر الصوت للي مهتويها
ـ
جادلٍ سلمتها قلبي هديه
وعود الماخوذ لعبه في يديها
ـ
جعل عينٍ ما تلدّ العين فيه
من بلاني في هواها يبتليها
ـ
يا لطيف الروح لا تشره عليه
اكثر العشاق ما يشرهه عليها