طفح كيلهم ماعاد فيها سهود مهود=ولاتَقْنع أخصام الرعد لين نِدِّبها
مَدَام السماء دخان بالملح والبارود=بيدري بقوة حزبنا من يجربها
ولكن يابن عبيد هاك البرا مردود=سيوفٍ تقص الروس من عند غاربها
لو إن العواصف عَجها صار كبر الطود=ترى الطود شامخ ماتهزه هبايبها
حمول الزمل ماشالها الحاشي المفرود=وحتى ولو يبرك لها مايقوم ابها
يبا ينهدم حيله ويرغي وهو مضهود=يبون التجارة مير ضاعت مكاسبها
يحَسْبنه السيد ولكن طلع مسيود=حقيقة لو العربان تفتل شواربها
يقولون فاز الحزب ونقول يامقرود=ترانا أسود الغاب وأنتم ثعالبها