يالهواوي كيف حالك يالحبيب=احتزم والنار من شبابها
أعرف إنك شاعرٍ مبدع وأديب=كلمتي ماتبتلش بإعرابها
بنشدك مادام لك عقلٍ لبيب=عن صفات فيك وأنت أولابها
جلد ضب وعين حر وطبع ذيب=اختلاف الصنف ويش أسبابها
لاتصب الماء على سطل الحليب=النوايا العوج سكر بابها
أنت ريس حزب لو وضعك غريب=القيادة كيف نلت ألقابها
يوم غبنا لارقيب ولاحسيب=قلت حزبي صقرها وعقابها؟!
لاحضرنا جاك موت وشق جيب=العواصف كم حرقت أعصابها
الشجاع نحط في راسه صليب= من لهيبٍ حاميٍ منسابها
تحسبون المعركة فيديو كليب=من خرافات القصص بكتابها
بكرة انحدرك مع بطن الشعيب=والرياسة عندنا جلبابها